JIRIMIA 2:28 - Tanou Moonsoi Timugon

²⁸ Ati kia sinungkalalaing dewa ondo' binaal min ni? Paat ra akau makakapaganan, pakibayag kau ra dewa-dewa no, amon ru totopot dewa no masaga'! Okou Jiuda, dewa muno masuang koson ra suang ru bandar mino!

JIRIMIA 2:28 ပူးပေါင်းရင်းမြစ်များ

2 RAJA'-RAJA' 3:13

Indagu i Ilisa ra raja' ru Israil, “Kua musiti' aku mangindangan rirun? Ongoi no pangkuot ra nabi-nabi ru ama' am ina' muno ragili!” Taam Raja' Joram, “Kalo, sabap ra Tuhan no nangatang noyo koson mampataak ramon talu ngaulun ti ra raja' ru Moab.”

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JISAYA 46:2

Sinungkalalaing no kalo makakau' mangindangan ra nangkayang riso, ilo galama' kinayang koson ra rinakop. Ginio noyo pupus nilono.

JISAYA 46:7

Sinungkalalaing no pinakuan am pinauli ra intok no, minigor io ra giu' no, kalo makabanding. Amon ru makiasi' ulun riso, kalo tumaam io, am kalo makapamayag ra ulun intor ra kapaganan nano.

JISAYA 57:13

Paat ra akau mampiau makiindangan, polosoon sinungkalalaing mino mamayag ramuyun! Sinungkalalaing no mangatatak masiob ru angin! Kaa' ulun ondo' mangintopot Raki' makatungkus ra pagun ti. Sumamba ilo Raki' ralalom ru Baloi Kuno.”

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 30:7

Orou makalalaa' masaboi, orou ondo' kolondo' pogondo' no. Tayar ru ulun Kuno, ginio noyo orou ondo' mampakalaa' risilo, kaa' bayagon ilo.”

JIRIMIA 37:19

Ati kia nabi-nabi muli ondo' nanala' ra raja' ru Babilonia kalo mamulunsar rirun am pagun ti?

GOSIA 10:1

Ulun ru Israil koson ra puun ru anggur ondo' makakawa' ra maawas. Gumaai langkaya' nilo, sumuang poyo altar baalon nilo. Sumuang-suang ampos ru tana' nilo, matuyu' poyo boo batu-batu sambaan ondo' binaal nilo.

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

ABAKUK 2:19

Aibui boo ramuyun sabap mindagu kau ra saputul luton, “Tirong no!” kapoam mindagu ra rondo' batu maayo, “Ingkakat no!” Makaindagu kia sinungkalalaing rirun? Maaru' lair sinungkalalaing inangkupan ra pirok am mas, kaa' sinungkalalaing no kalo mamainawo.

SAGULION 32:37

Tuhan pana nangkuot boo ra ulun Nano, ‘Ati kia tuhan-tuhan ra mangapanggol ondo' inintopot mini?

TINGGANAI RU BANSA' 10:14

Ongoi kano pakiindangan ra dewa-dewa ondo' pinili' mino. Polosoon noyo dewa-dewa mamayag ramuyun paat ra makakapaganan kau.”