JIRIMIA 2:25 - Tanou Moonsoi Timugon

²⁵ Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 2:25 ပူးပေါင်းရင်းမြစ်များ

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

2 TUNUNG RU BANSA' ISRAIL 28:23

Nampataak io ra taak simbalui ra dewa-dewa ru ulun Siria ondo' nangala riso. Kon ru Raja' Agas, “Dewa-dewa ru ulun Siria nangindangan ra raja'-raja' ru Siria. Amon mampataak aku ra taak simbalui ra dewa-dewa raginio, aku niayuk indanganon.” Binaal raginio namparatong ra karaat riso am mamagun nano.

JISAYA 2:6

Iou Aki Kapuuno', iniruanan Mu ulun Muno, papag ri Jakub! Pagun ragitio nototop ra sihir intor ra sirangon am intor ra pagun ru ulun ru Palistin. Timinilu mamagun ra kaulayan ru ulun bansa' ra bokon.

JISAYA 57:10

Maagui kau maguyum ra sinungkalalaing ra bokon, kalo masaga' kau tumangus. Indoson min sinungkalalaing mino makapangikang ramuyun saboi akau kalo maagui.

JIRIMIA 13:21

Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 13:22

Maaru' mangkuot kau kua ra ngaangai' no liminumpa' ramuyun; kua ra bayang min rinilak am kua sinawa' kau. Pakapandai no ra ngaangai' no nasauk sabap ra tula min maayo kaga'.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

JIRIMIA 22:20

Indagu Tuhan, “Mamagun kau ru Jirusalim, ongoi no ra Libanon am golok no. Ongoi no ra tana' Basan am pampalarut no; golok no intor ra kagunungan Moab, sabap ra ngaangai' paguum min kinala noyo.

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 44:17

Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 4:4

Polosoon nilo lalagang nilo paason am maitilan; anak-anak makitaak ra akanon, kaa' kolondo' osoi pana ondo' mangani' ra akanon.

YEHEZKIEL 20:32

Gumogot kau masauk koson ra bansa'-bansa' ra bokon, koson ra ulun ondo' minayan giu' ra pagun-pagun ra bokon am ondo' sumamba ra puun tataun am batu. Baal raginio maaru' kalo masauk.”

GOSIA 2:3

Kalo makaasi' Aku ramuyun, anak-anak nano; akau inanak intor ra pantalanan ra inan.

GOSIA 2:5

Ginio ra manginsur Aku riso ra bulungkut makaruui am ampangin ralan nano ra timbok.

MALIAKI 3:14

Kamin, ‘Kolondo' onong mangandoi ayuk ri Aki Kapuuno'. Atan onong no sumugut ra susuban Nano, kapoam mampakito ra itakau pansagulian guang ra kasalaan takau giu' ra saang ru Tuhan Ondo' Maayo Kaga' Kuasa'?

LUKAS 15:22

Kaa' piawo' ru ama' i ulipon no am indagu, ‘Ribaki', ibito' bayang moonsoi am pabayangi' min riso. Pasulungo' min sinsing riso am anii' min io ra kasut.

LUKAS 16:24

Golok io, ‘Aki Abragam! Pakaasi' no raki'! Susubo' i Lajarus mompososop ra tutulu' nano ra timug pampasalui ra rila' kutu, sabap ra maimbolo' aku toojo ralalom ru apui ti!’

ROMA 8:24

Sabap ra intor ra lumansan, bayagon takau ri Aki Kapuuno'. Kaa' amon ru makakito takau ra atan ondo' linansanan i, sala' boo ka kalansanan. Sabap ra kalo pana lumansan ondo' nakito noyo.

SAGULION 28:48

Ginio ra mangandoi kau ra pantula' ondo' porotongon ru Tuhan koson gumula' ramuyun. Maitilan kau, paason am magibaang; matutusan kau ra ngaangai' no. Mangimbolo' Tuhan ramuyun ra malaat saboi ra maluus kau.

SAGULION 32:16

Sumamba ilo ra sinungkalalaing, am nomposolon ra Tuhan, nambaal ilo ra kalaatan, am napasangit Riso.