JIRIMIA 2:23 - Tanou Moonsoi Timugon

²³ Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:23 ပူးပေါင်းရင်းမြစ်များ

JIRIMIA 7:31

Nambaal ilo rondo' altar ondo' ininggalanan ra Topit giu' ra Limayak Ginom. Giu' ra rasawat ru altar no nonolob ilo ra anak-anak nilo, ungkuyon am ruandu', koson ra taak simbalui. Sotopot no kalo igondo' Aku panusub risilo mambaal raginio, am niayuk kalo igondo' baal raginio miningkual intor ra pangkaraan Kuno.

AMSAL 30:12

Mokoondo' ulun mindagu ra ilo no matulai, sotopot no majamol kaga'.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

LUKAS 10:29

Kaa' mangingila' ra Ukum ri Musa no masaga' mampakito ra io motopot. Pangkuot io, “Osoi ulun ra bokon ondo' tagamin kuno?”

JIRIMIA 31:22

Saboi sanggilan kau pagantangan, bansa' kau ondo' kalo gumagaya' Raki'? Nambaal Aku kia ra rorondo' ondo' bagu am makaimuag, makaimuag koson ra ruandu' manindung ra ungkuyon.”

JIRIMIA 9:14

Bambalingatan ilo am siminamba ra sinungkalalaing Baal koson ra ondo' nangilaan ru kinamatuaan nilai.

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

AMSAL 30:20

Gitio noyo binaal ru sangulun andu' ondo' kalo gumagaya': Lumapau io, am mariu'. Kopongo raginio mindagu io, “Kolondo' atan-atan binaal kuno ondo' makasala!”

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

MAZMUR 36:2

Tula mindagu ra liagu ru guang ru ulun malaat, impayin nilo i Aki Kapuuno' am kalo malaa' Riso,

ESTER 8:16

Ulun ru Jaudi naansayan am nagilakup, naansukan am naantak guang.

JIRIMIA 2:36

Pinainggana' min kaatangan ru inan sabap minongoi ra dewa ru bansa' bokon. Sindualin kau ru Misir, koson ra akau sinindualan ru Asyur.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 16:10

Paat ra okou mampasaboi ra ngaangai' ru baal ragitio risilo, mangkuot ilo sabap ra namatas Aku koson mangukum risilo ra maagat kaga'. Mangkuot ilo intor ra kasalaan am tula nilo Raki', Tuhan i Aki Kapuuno' nilo.

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”