JIRIMIA 2:21 - Tanou Moonsoi Timugon

²¹ Nantanom Aku rirun koson ra puun ru anggur linili' intor ra unor ondo' moonsoi kaga'. Kaa' ilai' boo, nakulau kou! Nasauk kou ra puun ru anggur lumayau ondo' kolondo' onong.

JIRIMIA 2:21 ပူးပေါင်းရင်းမြစ်များ

KASAUKAN 18:19

Pinili' Kuno io, maa' raginio ra masusub no anak-anak nano am papag nano gumagaya' Raki' am mambaal ra atan ondo' motopot am matanda'. Amon ru baalon nilo koson raginio, ngaangai' bantu' Kuno ri Abragam suguton Ku.”

KASAUKAN 32:28

Indagu ulun no, “Inggalan muno sala ka boo i Jakub. Giminabu' kou ri Aki Kapuuno' am ra ulun, am namanang kou. Ginio ra inggalan muno i Israil.”

MAZMUR 44:2

Iou Aki Kapuuno', akai galama' nokorongog ra tutunungon ru kinamatuaan maili, intor ra binaal Muli ra mangaayo intor ra galing i ayuk poyo.

MAZMUR 80:8

Patapulio' akai, iou Aki Kapuuno' Ondo' Maayo Kaga' Kuasa'. Pakaasi' no ramon maa' raginio maayag akai.

MAZMUR 80:9

Ibiton Mu ulun Muno ondo' koson ra puun ru anggur mingkual ra Misir; ininggalaran Mu bansa'-bansa' ra bokon, am tinanom Mu puun no ra pagun nilo.

KAINGKUALAN 15:17

Nagibit Kou risilo mumpos, am mapaayan risilo giu' ra gunung Muno, intok ondo' Okou, iou Tuhan, nampili' koson masauk ra ayanan Muno; Baloi ondo' binaal Muno galama'.

JISAYA 1:21

Bandar ra galing i gumagaya', ragino koson boo ra ruandu' mantalan ra inan! Galing i bandar no nososok ra ulun ondo' matimpok am mabanis guang, kaa' ragino ulun mamamatoi ayuk natatang ra giu' no.

JISAYA 27:2

Orou raginio Tuhan mindagu koson ra umo ru anggur Nano ondo' maantak,

JISAYA 41:8

Kaa' akau Israil, ulipon Kuno, akau noyo ulun pinili' Kuno, papag kau ri Abragam, kubayau Kuno.

JISAYA 5:4

Mokoondo' poyo kia baalon kuno, kaa' kalo poyo nabaal ku ra umo ru anggur kuno? Kua kia kataris kawa' ru anggur no, am sala' ka kawa' ra moonsoi koson ra kalansanan kuno?

JISAYA 60:21

Mamagun muno mambaal ra baal ondo' motopot, am momolonggom ra pagun ti ra sabuoi-buoi no. Ilo koson ra tutuu' ondo' tinanom Kuno, ampos ru inangun Kuno, koson mapaintalang ra kuasa' maayo Kuno.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 11:16

Nakaili' Aku nanginggalan risilo ra puun jaitun ondo' maawas raun, nototop ra kawa' ondo' moonsoi. Kaa' raino, ra bolos gogolon, solobon Ku raun-raun nano am pandakon Ku ngaangai' raan no.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 5:10

Mangator Aku ra pantula' koson mampaluyak ra umo ru anggur ru ulun Kuno, kaa' sala' ka koson mamuso ra malingon. Manusub Aku ra pantula' mangindaan ra bulisang ru puun ru anggur, sabap ra bulisang-bulisang no sala' ka Aku tatangan.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

YEHEZKIEL 15:2

“Okou ulun mapandai matoi, atan kia nansala' ra puun ru anggur am puun tataun ra bokon? Atan kia onong ru bulisang ru puun ru anggur amon ru pinogondo' ra puun tataun giu' ra kataunan?

MATIUS 21:33

“Rongogo' poyo rondo' abig ragitio,” ragu ri Jisus. “Mokoondo' sangulun langkaya' ondo' nantanom ra umo ru anggur. Liputo' no ra insor am pangkali io ra rondo' luang ra batu maayo, pamagaan ra anggur am niayuk nambaal io ra manara masawat pagimpalan. Pasiwai' no boo umo ru anggur i ra kukula' ngaulun, am ongoi io ra pagun ru bokon.

MARKUS 12:1

Tumalimpuun boo i Jisus mantunung ra abig ra tingganai imam Jaudi, mangingila' ra Ukum ri Musa am tingganai ru ulun ru Jaudi. Indagu i Jisus, “Mokoondo' sangulun ungkuyon nanangumo ra anggur, pagaro' no umo i. Kopongo ragili, pangkali io ra rondo' luang ra batu maayo, pamagaan ra anggur, am pambaal io ra manara masawat pagimpalan. Umo nali pana pasiwai' ra ulun bokon am ongoi io ra pagun ru bokon.

LUKAS 20:9

Tunungo' ri Jisus abig ragitio ra ulun-ulun no, “Mokoondo' sangulun nantanom ra anggur ra umo nano. Pasiwai' no ra kukula' ngaulun, am ugar io minongoi ra sampagunan am nabuoi io ra giu' i.

JUANIS 15:1

“Aku noyo puun ru anggur ondo' motopot; i Ama' Ku noyo magagalung ra umo.

SAGULION 32:32

Pantula' ru Israil malaat koson ra Sodom am Gomora, koson ra puun ru anggur ondo' mapait am makaanit kawa' nano,

SAGULION 4:37

Sabap ra motogom Io ra kinamatuaan min, nampili' Io ramuyun; am ra kuasa' Nano ondo' maayo, Io galama' nagibit ramuyun miningkual intor ra Misir.

JOSUA 24:31

Buoi i Josua naayag, ulun ru Israil nangandoi ayuk ra Tuhan. Kopongo i Josua minatoi am buoi ru tingganai-tingganai naayag ondo' nakakito ra ngaangai' binaal ru Tuhan ra ulun ru Israil, nagulayun ulun raginio nangandoi ayuk ra Tuhan.