JIRIMIA 2:15 - Tanou Moonsoi Timugon

¹⁵ Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 2:15 ပူးပေါင်းရင်းမြစ်များ

AYUP 4:10

Koson ra singa' ondo' masangit, ulun malaat mansangal am mompogolon; kaa' i Aki Kapuuno' nompororo' risilo am namandak ra ripon nilo.

MAZMUR 57:4

Intor ra suruga' taamon am bayagon No aku; kalaan No ulun ondo' mangulipon raki'. I Aki Kapuuno' manulu' raki' ra togom am gagaya' Nano raki'.

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

JISAYA 24:1

Tana' ti pusoon ru Tuhan saboi masauk lumata' am masiluk. Lapiaton No ralimbou ru tana' ti am pantutuliaron No namagun no.

JISAYA 5:29

Ngaangai' saujor nilono sumingangal koson ra singa' mansaam am mantangag ra akanon nano masimbul maa' raginio kolondo' osoi-osoi mampagaau ra akanon no.

JISAYA 5:9

Makaining aku ra Tuhan Ondo' Maayo Kaga' Kuasa' mindagu, “Ngaangai' baloi ondo' maayo am moonsoi ti kalo ayanin am kolondo' mangayan.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 25:30

Okou Jirimia, ngaangai' ondo' raguon Kuno rirun, musiti' mu potonowon. Musiti' mu raguin ilo, ‘Mansangal Tuhan intor ra suruga'; maningkalur Io intor ra inayanan Nano ondo' matulai. Gogolon io manggal ra ulun Nano; mompogolok Io koson ra ulun ondo' mamaga' ra kawa' ru anggur. Moonong ulun ra tana' ti mokorongog Riso,

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 26:9

Kua baani kou mindagu ralalom inggalan ru Tuhan ra Baloi Nati masauk koson ra Silo, am ra bandar ti pusoon am masauk ra intok ondo' kalo boo ayanin?” Linimpuan aku boo ru ulun masuang.

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 4:7

Koson ra singa' mingkual intor ra pansibunian nano, koon raginio noyo ra i mampaluus ra bansa'-bansa' minintor noyo. Matong io koson mamuso ra Jiuda. Bandar-bandar Jiuda masauk ra intok nangapuut, am kalo ayanin ru ulun.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 50:17

Indagu Tuhan, “Ulun ru Israil koson ra sampanon ru domba ondo' inilou am pinantutuliar ru singa'. Binulunsar ilo galing ru raja' ru Asyur, kalupus raginio Raja' Nibukadnijar intor ra Babilonia, mangaliit ra bungul nilo.

JIRIMIA 51:38

Mamagun ru Babilonia mansangal koson ra singa', am mokobolos koson ra anak ru singa'.

JIRIMIA 6:8

Alii ra Mamagun ru Jirusalim, polosoo' noyo kapaganan no masauk ra pampakaraan ramuyun! Amon ru kalo lioon min pampakaraan raginio, iruanin Takamin; kulawon Ku bandar min masauk ra tana' kaagisan ondo' kalo ayanin ru ulun.”

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

YEHEZKIEL 36:3

“Panala' no am potonowo' noyo atan ondo' paraguon Kuno, Tuhan Raja'. Paat ra bansa'-bansa' paginggaar mangala am mantakou ra kagunungan ru Israil, ilo ngaangai' magasab ra Israil.

YEHEZKIEL 5:14

Moonong ulun intor ra pagun-pagun ra paginggaar ondo' mansail rirun magasab am minggalur rirun.

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

GOSIA 5:14

Koson ra sanginan singa', mamulunsar Aku ra bansa' ru Israil am bansa' ru Jiuda. Aku galama' maminsang risilo am mangiruan risilo. Ralaaton Ku ilo, am kolondo' sangulun pana makapamayag risilo.

AMOS 3:12

Indagu Tuhan, “Koson ra sangulun magagalung ondo' nakaalap ruo kalayam kapoam santalingaan ru domba nano ondo' sinaam ru singa', koson raginio niayuk ondo' masauk; sanganu ayuk ulun maayag ra gino ngai' ru mamagun Samaria ondo' raino liminuya' ra intok kaalangan ondo' moonsoi kaga'.”

AMOS 3:4

Mansangal kia singa' giu' ra kataunan, amon ru kalo poyo nokoowot ra akanon? Mansangal kia anak ru singa' giu' ra ralalom ru luang nano, amon kalo poyo nakarakop ra atan-atan?

AMOS 3:8

Paat ra singa' mansangal, osoi kia kalo malaa'? Paat ra Tuhan Raja' mindagu, osoi kia mokopongkoror am kalo nampatanou ra tanou Nano?

NAGUM 2:11

Ati kia bandar no raino? Bandar ondo' koson ra luang batu intok ru singa' manabunsut; intok ru anak-anak ru singa' aniin ra akanon, intok sukuan ru singa' ungkuyon am singa' ruandu', intok ondo' moonsoi ra tayar ru anak-anak ru singa'.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

JIPANYA 2:5

Aibui boo ramuyun, akau ulun ru Palistin, bansa' ondo' minayan giu' ra nagas. Inaru' noyo ru Tuhan ukuman ramuyun. Mamuso Io ramuyun, am kolondo' sangulun pana maayag.

JIPANYA 3:6

Indagu Tuhan, “Nampaluus Aku noyo ra masuang bansa'; nanutuk Aku ra bandar-bandar nilo, am nampasauk ra timbok am niayuk manara-manara nilono ra nalunsai. Bandar-bandar nilo masiluk kolondo' ulun namagun am ralan-ralan pana masiluk; kolondo' boo ulun minayan ra giu' no.

JAKARIA 11:3

Ulun-ulun manguasa' manulaboi, sabap ra katulayan nilo liminiot noyo. Rongogo' sangal ru singa'; sabap ra intok ayanan ru singa' giu' ra kataunan giu' ra gawar ru Sungoi Jordan napuso noyo.

TINGGANAI RU BANSA' 14:5

I Simson pana minongoi ra Timna nababaya' ra matuo nano. Paat ilo mansail ra umo ru anggur ra giu' no, norongog ri Simson bolos ru sanginan singa' mamulok.