JIRIMIA 19:9 - Tanou Moonsoi Timugon

⁹ Libungin bandar ti ru pantula' am mirot koson mamatoi ra mamagun no. Pampalibungan raginio malaat toojo saboi ulun giu' ra ralalom no mangakan ra rangan nano, am poyo anak nilo galama'.”

JIRIMIA 19:9 ပူးပေါင်းရင်းမြစ်များ

2 RAJA'-RAJA' 25:3

Paat ra orou kasiam, sila' kaapat ru bilor raginio, bulintok bitilan giu' ra bandar no najanjayan kaga' saboi ra mamagun ru Jirusalim kolondo' boo akanon,

JISAYA 9:20

Namagun ra Manasi am namagun ra Ipraim mangayou ra rondo' am bokon, am mababaya' ilo mamulunsar ra Jiuda. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 38:9

“Raja' kuno, binaal ru pagawai-pagawai no kalo motopot. Pinasubol nilo i Jirimia ra ralalom ru tulubong am maaru' matoi io maitilan ra giu' no sabap ra nakai' noyo akanon ra bandar ti.”

SULABOI 2:20

Ilai' noyo, iou Tuhan! Ilai' ilo ondo' inimbolo' Muno! Ruandu'-ruandu' mangakan ra anak-anak ondo' tagamin nilo! Imam-imam am nabi-nabi pinatoi giu' ra ralalom Baloi ru Tuhan!

SULABOI 4:10

Karaat ondo' nakalumpa' ra bansa' kuno totopot makalalaa'; saboi ina' ondo' motogom mangansak kalalaat ra anak galama' koson akanon.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

IMAMAT 26:29

Maitilan kau kaga' saboi mangakan kau ra anak mino galama'.