JIRIMIA 19:7 - Tanou Moonsoi Timugon

⁷ Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

JIRIMIA 19:7 ပူးပေါင်းရင်းမြစ်များ

2 RAJA'-RAJA' 21:14

Iruanin Ku ilo ondo' lakat poyo naayag am pataakin ilo ra pantula'. Kalaan ilo ru pantula' am manalingaau ra pagun nilo.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 8:10

Baalo' noyo atan inatangan mino, kaa' ngaangai' no kolondo' kasaukan! Pataso' noyo, kaa' ngaangai' no mamungawo ayuk, sabap ri Aki Kapuuno' mabaya' ramon!

JIRIMIA 15:2

Amon ru mangkuot ilo rirun ra intok musiti' ilo mongoi, taamo' koson ragitio, ‘Indagu Tuhan, ulun ondo' inaru' matoi sabap ra maruol, polosoon noyo ilo matoi sabap ra maruol! Ulun ondo' inaru' matoi ralalom pangayawan, polosoon noyo ilo matoi ralalom pangayawan! Ulun ondo' inaru' ra matoi sabap ra bitilan, polosoon noyo ilo matoi ra bitilan! Ulun ondo' inaru' masauk ra ulun rinakop, polosoon noyo ilo auton koson ra ulun rinakop!’

JIRIMIA 15:9

Ina' ondo' napusaan ra tulu' ngaulun anak nano ikab-ikab am malausan, koson riso mato ru orou nokotolop noyo buoi ru matawang; inasaban io am tinauyu'. Manusub Aku ra pantula' min mamatoi ra ulun ondo' lakat poyo naayag ra gino ngai' min. Aku, Tuhan nakaindagu noyo.”

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 21:7

Okou am pagawai-pagawai muno am niayuk ngaangai' ulun ondo' naayag intor ra pangayawan, bitilan am maruol tumapik, polosoon Ku rokopon ru Raja' Nibukadnijar am pantula' ondo' masaga' mamatoi ramuyun. Mamatoi Raja' Nibukadnijar ramuyun ngaangai' ra kalo mangampun kapoam makaasi'. Aku, Tuhan nakaindagu noyo.”

JIRIMIA 22:19

Ralaaton i Joyakim am patirin paingkualo' ra kulobon garabang ru Jirusalim, koson ra pinamakuan ru ulun ra baangkai ru kaladai.”

JIRIMIA 22:25

am pataakon kou ra ulun kalaanin muno, iono ulun ondo' moogot mamatoi rirun. Pataakon Tokou ra Raja' Nibukadnijar intor ra Babilonia am saujor-saujor nano.

JIRIMIA 32:28

Pataakon Ku bandar ti ra Raja' Nibukadnijar intor ra Babilonia am saujor nano. Gaawon nilo bandar ti,

JIRIMIA 34:20

Pataakon Ku ilo ra pantula' ondo' masaga' mamatoi risilo. Baangkai nilo akanon ru susuit am bibiag masigo.

JIRIMIA 46:26

am pataakon ilo ra ulun ondo' masaga' mamatoi risilo, iono Raja' Nibukadnijar intor ra Babilonia am saujor nano. Kaa' ra orou tauli no, ulun mayan poyo giu' ra Misir, koson ragili. Aku, Tuhan, nakaindagu noyo.”

JIRIMIA 7:33

Baangkai masauk ra akanon ru susuit am bibiag masigo am kolondo' boo ulun mangunjau.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

JIRIMIA 8:8

Baani kau kaga' mindagu ra mapintar kau am makapandai ra ukum Kuno! Ilai' ga boo, ukum Kuno kinulau noyo ru mangingila' ra ugama ondo' kalo mabanis guang.

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

SULABOI 3:37

Kasagaan ru Tuhan ayuk ondo' masalok masauk.

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

ROMA 3:31

Motopot kia sabap ra pangintapatan takau ri Kristus Ukum ri Musa no patirin boo? Maaru' kalo! Sotopot no mangurumat takau ra Ukum ri Musa no.

ROMA 4:14

Amon ru bantu' ri Aki Kapuuno' pataakon ayuk risilo ondo' gumagaya' ra Ukum ri Musa, kolondo' boo arati' ru mangintopot ri Aki Kapuuno' am bantu' Nano kolondo' toojo onong.

1 SAMUIL 17:46

Orou raiti' niayuk Tuhan no mapataak rirun ra ralalom ru kalindu' kutu. Kalaan tokou am manginggulu' ra ulu muno. Pataakin ku inan ru saujor Palistin ra susuit am bibiag maa' raginio akanon. Kon raginio noyo ra titikop ru tana' ti makapandai ra akai, bansa' ru Israil ti mokoondo' ri Aki Kapuuno'.