JIRIMIA 19:4 - Tanou Moonsoi Timugon

⁴ Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

JIRIMIA 19:4 ပူးပေါင်းရင်းမြစ်များ

2 RAJA'-RAJA' 21:16

Namatoi Raja' Manasi ra masuang kaga' ulun ondo' kolondo' sala saboi raraa' nalayak giu' ra ralan-ralan giu' ra Jirusalim. Suai ra binaal raginio, Raja' Manasi niayuk nangkinibit ra mamagun ru Jiuda siminamba ra sinungkalalaing, saboi ilo makatula ra Tuhan.

2 RAJA'-RAJA' 23:10

Nampajamol niayuk Raja' Josia ra Topit, intok sambaan ra dewa giu' ra Limayak Ginom, maa' raginio kolondo' osoi pana makapapataak ra anak nano koson ra taak simbalui ondo' solobon ra Dewa Molok.

2 RAJA'-RAJA' 24:4

mulu' poyo ra namatayan ra ngaangai' ru ulun ondo' kolondo' tula. Kalo makapangampun Tuhan ra Raja' Manasi sabap ra binaal nano.

MAZMUR 106:38

Potoyon nilo anak-anak ondo' kolondo' sala, saboi pagun no jinamol ru pampatayan no.

JISAYA 59:7

Rayusin min mangatang ra malaat, am intakiin min mambaal. Kalo pansagulian guang mampatoi kau ra ulun ondo' kolondo' sala. Ati ayuk sukuan min, mapatatang kau ra napuutan am kapusaan.

JISAYA 65:11

Kaa' sala' ka ginio pupus mino ondo' manatang Raki' am niayuk kalo mampalio ra Sion, bulur Kuno ondo' matulai, am ondo' sumamba ri Gad am Mini, dewa ru iawo am dewa ru nasip.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 16:11

Balai' ilo ra koon raginio noyo ragu ru Tuhan, ‘Kinamatuaan min nangiruan Raki' am siminamba am nangandoi ayuk ra tuhan-tuhan ra bokon. Nangiruan ilo Raki' am marara' gumagaya' ra pangilaan Kuno.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 17:20

Susubo' raja'-raja' am ngaangai' ulun ru Jiuda am niayuk ngaangai' mamagun ru Jirusalim ondo' mansail ra kulobon-kulobon raginio, maa' raginio mokorongog ra ragu Kuno.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 2:17

Israil, okou galama' nangkinibit ra baal ragitio nasauk rirun. Nangiruan kou Raki', Tuhan i Aki Kapuuno' muno, paat ra Aku naningganai rirun ralalom pangkiralanan muno.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 2:30

Banangan Ku ayuk mangukum ramuyun, sabap ra marara' kau mangapu ra pangilaan Kuno. Koson ra singa' ondo' tatanga' masangit, koon raginio niayuk ra akau namatoi ra nabi-nabi min.

JIRIMIA 2:34

Bayang min natatakan ra raraa' ru ulun musikin am ulun kolondo' sala, sala' ka raraa' ru ulun mantakou ondo' narakop. Kabalu' pana raginio,

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 26:15

Kaa' karaa' noyo, amon ru mamatoi kau raki', akau am mamagun ru bandar ti makatula sabap ra mamatoi ra ulun ondo' kolondo' sala. Nanusub Tuhan raki' koson mampakara' ramuyun.”

JIRIMIA 26:23

Inibit nilo io siminaguli' ra Raja' Joyakim. Raja' pana nanusub boo ra ulun namatoi riso, am baangkai nano pinatiran giu' ra tana' kalabangan ru ulun kasuangan.

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

YEHEZKIEL 20:26

Nompoloso Aku risilo nampajamol ra inan am taak nilo galama'. Nompoloso Aku risilo nampataak ra anak katuaan ungkuyon nilo koson ra taak simbalui. Baal raginio nasauk koson mangukum risilo maa' raginio makapandai ilo ra Aku noyo Tuhan.

YEHEZKIEL 7:22

Kalo mongoi aku labit paat ra Baloi Kuno ondo' tagamin Kuno jamalin ru ulun, paat ulun mantatakou sumubol am mampajamol raginio.

YEHEZKIEL 8:11

Tulu' ngoopor ngaulun tingganai ru Israil soroi ra giu', nakaaya' i Jaajanya anak ri Sapan. Moonong ulun nampaguut ra rondo' pambulian ra baa ondo' malisun kaga'.

DANIL 11:31

Kukula' ngaulun saujor ru raja' mampajamol ra Baloi ru Tuhan. Langgain nilo taak simbalui orou-orou, am manirong ra ‘Karaat Ondo' Moporos’ no.

LUKAS 11:50

Ginio boo ra ulun ra raiti' ukumin sabap ra namatayan ra ngaangai' nabi intor ra tana' ti binaal.

SAGULION 13:13

ra kukula' ngaulun mangalaat intor ra bansa' min napalayau noyo ra mamagun ru bandar nilo saboi mamagun ra giu' no sumamba ra tuhan-tuhan ondo' kalo igondo' kau samba.

SAGULION 13:6

Mulu' poyo pabukat min, kapoam anak ungkuyon min, kapoam anak ruandu' min, kapoam andu' ondo' tagamin min, kapoam rangan toojo min pana, maaru' lair ra suminok mangambi' ramuyun koson sumamba ra tuhan-tuhan ra bokon, ondo' kalo igondo' kau samba, am ondo' kalo igondo' sinamba ru kinamatuaan mini.

SAGULION 28:20

“Amon nambaal kau ra malaat am mangimpai ra Tuhan, maparatong Io ra karaat, kajajawan am kapaganan ralalom ru ngaangai' kandoi min, saboi ralalom sangkinolor ayuk, mapuso kau kalingon.

SAGULION 28:36

“Tuhan mamatir ramuyun am raja' min giu' ra pagun ru bansa' ru bokon, intok ondo' kalo igondo' kasauk ra ayanan min kapoam kinamatuaan min. Giu' no mangandoi kau ra tuhan-tuhan ondo' binaal intor ra tataun am batu.

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

PINAINTALANG 16:6

Nampasasar ilo noyo ra raraa' ru ulun ri Aki Kapuuno' am ra raraa' ru nabi-nabi; kaa' raino binaal Mu ilo manginum ra raraa' no. Matimpok ukum Muno risilo!”

TINGGANAI RU BANSA' 5:8

Pangayawan pana nasauk giu' ra ralalom ru pagun paat ra ulun ru Israil tumalimpuun sumamba ra dewa. Kolondo' rondo' pana kinandoi mangayou kinayang ru apat ngoopor ngaribu ngaulun ru Israil.