JIRIMIA 19:15 - Tanou Moonsoi Timugon

¹⁵ ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 19:15 ပူးပေါင်းရင်းမြစ်များ

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

JIRIMIA 11:11

Ginio ra, Aku, Tuhan, nampakara' risilo ra porotongon Ku karaat risilo am kalo makapagiru' ilo intor raginio. Amon ru gumolok ilo makiindangan Raki', marara' Aku mangkirongog risilo.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 13:11

Koson ra tapi' mariwa' naigot ra awak ru nantapi' no, koon raginio noyo kuayan Kuno ra ulun ru Israil am Jiuda maa' raginio maigot Raki'. Koon raginio boo ra ilo masauk ra ulun Kuno am mamparatong ra ompor am urumat ra inggalan Kuno. Kaa' marara' ilo gumagaya' Raki'.”

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 18:11

Raino balai' ulun ru Jiuda am mamagun ru Jirusalim ra tatanga' Aku mangatang koson manggal risilo, am mampatampos ra ukuman risilo. Susubo' ilo mompolonggo' ra baal ru bayag ondo' makatula, am niayuk mangulau ra paliso am binaal nilo.

JIRIMIA 19:3

Nanusub Tuhan raki' mindagu koson ragitio, “Raja' kau ru Jiuda am mamagun ru Jirusalim! Rongogo' atan ondo' masaga' Kuno, Tuhan Ondo' Maayo Kaga' Kuasa', i Aki Kapuuno' ru Israil, paraguon ramuyun. Mamparatong Aku ra karaat ondo' makalalaa' ra intok ragitio saboi ulun ondo' mangkirongog no makatigog.

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 25:3

“Buoi ruo ngoopor am talu ngambilor, intor ra bilor koopor am talu ru Raja' Josia anak ungkuyon ru Raja' Amon namarinta giu' ra Jiuda saboi ra orou raiti', minindagu Tuhan raki' am kalo igondo' aku pakalilian mampasaboi ra atan ondo' rinagu Nano ramuyun. Kaa' akau kalo igondo' nampalio raginio.

JIRIMIA 25:4

Rinayus ayuk ru Tuhan nanusub ra nabi-nabi, iono ulipon-ulipon Nano minongoi ramuyun, kaa' marara' kau mangkirongog am mampalio risilo.

JIRIMIA 25:7

Kaa' Tuhan galama' minindagu ra marara' kau rumongog Riso. Pinasingkual min piboo sangit Nano ra sinungkalalaing mino. Akau galama' namparatong ra ukuman Nano ramuyun.

JIRIMIA 25:8

Ginio sabap ra marara' kau rumongog ra ragu Nano, Tuhan Ondo' Maayo Kaga' Kuasa' minindagu,

JIRIMIA 36:31

Okou ukumin Ku, papag muno, am pagawai-pagawai muno, sabap ra tula min ngaangai'. Kolondo' osoi pana, okou, mamagun ru Jirusalim kapoam Jiuda, ondo' mampalio ra pinakara' Kuno. Ginio ra, porotongon Ku karaat ondo' pinololob Kuno ramuyun ngaangai'.”

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.