JIRIMIA 19:11 - Tanou Moonsoi Timugon

¹¹ Musiti' aku mambala' risilo ra gitio noyo ragu ru Tuhan Ondo' Maayo Kaga' Kuasa', “Tutukon Ku bansa' am bandar ti saboi masauk koson ra rarapu' ondo' nopoto no am kalo boo mapuna'. Lobongon ru ulun baangkai am poyo giu' ra Topit, sabap ra kolondo' boo intok ra bokon.

JIRIMIA 19:11 ပူးပေါင်းရင်းမြစ်များ

MAZMUR 2:9

Kuliagayon mu ilo ra pamarintaan ru kalindu' basi'; kuliagayon mu ilo koson ra pagangan ru tana'.’ ”

AMSAL 6:15

Sabap ra binaal nilono, malumpa' ilo ru karaat saboi ilo nalingon natutuk.

JISAYA 30:14

Matutuk kau koson ra pagangan tana', am natutuk kaga' saboi kolondo' tayar mapakai koson pangalapan ra baa, kapoam susuuk panunuuk ra timug intor ra rarapu'.”

JIRIMIA 13:14

Mopongo raginio pagingkuon Ku ilo ra rondo' am bokon, koson ra rarapu' pagingkuon. Koon raginio pamakuan Kuno ra ulun matutuo am mamulok ra kolondo' ampun. Pusoon Ku ilo ra kolondo' togom kapoam makaasi'.”

JIRIMIA 19:12

Bantuon Ku ra mapasauk ra bandar ti am mamagun no koson ra Topit.

JIRIMIA 19:6

Ginio sabap ra masaboi paat no intok ragitio kalo boo sabiton ra Topit kapoam Limayak Ginom, kaa' Limayak Pamatayan.

JIRIMIA 25:34

Pantangi' no, tingganai kau, akau ondo' nasauk ra magagalung ra ulun Kuno, pantangi' no ra mosongou! Panulaboi no am pagiluluir ra kaau, sabap ra nasaboi noyo paat no ra akau potoyon; simbaluyon kau koson ra domba gawayan.

JIRIMIA 48:38

Giu' ra rasawat ru taap ru baloi am giu' ra ngaangai' padang giu' ra Moab kolondo' morongog atan-atan pana ondo' ak am sinulaboi, sabap ra tinutuk Ku noyo Moab koson ra rarapu' ondo' kalo kasagain ru ulun.

JIRIMIA 51:63

Okou Siraya, mopongo kou mambasa' ra suang ru kitab ti risilo, pobongkoso' kitab ti ra rondo' batu am papatiro' karuruo no ra ralalom ru Sungoi Iprat.

SULABOI 4:2

Ragili kamulakan ungkuyon ru bandar Sion koson ra mas ondo' mokologo, kaa' raino pinamakuan risilo koson ra rarapu' tembikar.

RINALATAN 21:11

Inggaar io ramon am alapo' no abot ri Paulus. Pobongkoso' no kalindu' am kalayam nali galama' ra abot i am indagu io, “Koson ragitio ragu ru Ambiluo ri Aki Kapuuno': ‘Ulun tatangan ra abot ragitio, bangkilon koson ragitio niayuk ru ulun ru Jaudi giu' ra Jirusalim. Am pataakon io poyo ra kuasa' ru ulun sala' ka Jaudi.’ ”