JIRIMIA 18:8 - Tanou Moonsoi Timugon

⁸ kaa' bansa' no pana tumalikur intor ra malaat, am Aku pana mampalugut ra baalon Kuno.

JIRIMIA 18:8 ပူးပေါင်းရင်းမြစ်များ

2 TUNUNG RU BANSA' ISRAIL 12:6

Raja' am tingganai-tingganai no nangiou ra makatula ilo noyo. Konilo, “Atan ondo' binaal ru Tuhan no matimpok.”

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 135:14

Sabap ra Tuhan manaung ra ulun Nano; makaasi' Io ra ulipon-ulipon Nano.

MAZMUR 90:13

Iou Tuhan, sanggilan pupus ru sangit Muno? Saguli' no am pakaasi' no ra ulipon-ulipon Muno.

KAINGKUALAN 32:12

Amon ru pusoon Mu ilo, mindagu boo ulun ru Misir ra inibit Mu ilo miningkual intor ra Misir koson mamatoi risilo giu' ra kagunungan am mamuso lingon risilo. Pai' boo sangit, kulawo' ginuang Muno am pai' palumpaa' karaat ti ra ulun Muno.

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

JIRIMIA 12:16

Amon ru totopot guang nilo masaga' mangapu ra ugama ru ulun Kuno am magibot ra mindagu, ‘Ralalom inggalan ru Tuhan ondo' maayag,’ – koson mangila' ilo ra ulun Kuno magibot ralalom inggalan ru Baal ragili – ilo no pana makasimpung ra ulun Kuno am masauk ra moonsoi.

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 26:13

Ginio ra musiti' kau mangulau ra kaayagan am binaal min; gagaya' kano ra Tuhan, i Aki Kapuuno' min, maa' raginio kalo suguton No inatangan Nano koson mampalumpa' ra karaat no ramuyun.

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 26:3

Maaru' bansa' no masaga' rumongog, am lumonggo' boo mambaal ra malaat. Amon ru koon raginio, kalo suguton Ku inatangan Kuno. Kalo pusoon Ku ilo sabap ra binaal malaat nilo.”

JIRIMIA 36:3

Paat ra mamagun ru Jiuda nokorongog intor ra ngaangai' karaat ondo' porotongon Kuno risilo, maaru' lair langgain nilo mambaal ra malaat. Amon ru ginio poyo, Aku pana mangampun ra kalaatan am tula nilo.”

JIRIMIA 42:10

‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

YEHEZKIEL 18:21

“Amon ru sangulun malaat lumonggo' mambaal ra tula, am tumalimpuun gumagaya' ra ukum Kuno, am niayuk mambaal ra ondo' motopot am moonsoi, kalo matoi io. Maaru' maayag io.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

YEHEZKIEL 33:12

“Okou ulun mapandai matoi, pambala' no ra ulun ru Israil ra paat ulun moonsoi makatula, kinoonsoi nilo ragili kalo makapamayag risilo. Amon ru ulun malaat lumonggo' mambaal ra tula, kalo ukumin ilo. Kaa' amon ru ulun moonsoi tumalimpuun makatula, kalo mabayag ilo.

YEHEZKIEL 33:13

Maaru' lair nambantu' Aku ra kaayagan ra ulun moonsoi, kaa' amon ru indoson nilo ra kinoonsoi nilo ragili makapamayag risilo, am ilo pana tumalimpuun makatula, kalo karaan Ku kinoonsoi nilo ragili. Matoi ilo sabap ra tula nilo.

YEHEZKIEL 33:14

Maaru' lair nampakara' Aku ra ulun malaat ra matoi ilo. Kaa' amon ru lumonggo' ilo mambaal ra tula am mambaal ra atan ondo' moonsoi am motopot –

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.