JIRIMIA 18:22 - Tanou Moonsoi Timugon

²² Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 18:22 ပူးပေါင်းရင်းမြစ်များ

MAZMUR 119:85

Ulun malilimbau ondo' kalo gumagaya' ra panusuban Muno, nangkali noyo ra luang mapalandak raki'.

MAZMUR 140:5

Iou Tuhan, sindungi' aku no intor ra kuasa' ru ulun malaat; alungi' aku no intor ra ulun ondo' masalok mambaal ra kalaatan ondo' mangatang koson mamparatu' raki'.

MAZMUR 140:6

Ulun malilimbau mapabatang ra jajaling koson mamparakop raki'; pabatangon nilo kalat koson mamparakop raki', am kinaawar ru ralan pabaugon nilo jajaling koson mamparakop raki'.

MAZMUR 142:4

Bulintok ra aku lumawo, mapandayan No atan baalon kuno. Ralan ra musiti' bayaan kuno, pantula' kuno napataan ra jajaling mamparakop raki'.

MAZMUR 38:12

Rangan am sambalayan kuno kalo boo minggaar sabap ra ruruko kuno; pongkotob kuno pana minggalur intor raki'.

JISAYA 10:30

Golok kano, alii ra mamagun ru Galim! Rongogo' noyo, alii ra mamagun ru Laisya! Taam kano, alii ra mamagun ru Anatot!

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 5:26

Ulun malaat minayan ra gino ngai' ru ulun Kuno. Koson ilo ra ulun ondo' maginaa ra landak pinasaau koson mamparakop ra susuit, sabap ra pinasaau nilo landak koson mamparakop ra ulun.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

JIPANYA 1:16

Monsongorou no morongog bolos ru bujung am golok ru pangayawan intor ra saujor-saujor ondo' mamulunsar ra bandar-bandar mokoondo' ra kubu am manara-manara masawat.

MATIUS 22:15

Ulun ru Parisi naguguum koson mangkinam ri Jisus ra kukula' pangkuatan.