JIRIMIA 18:21 - Tanou Moonsoi Timugon

²¹ Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 18:21 ပူးပေါင်းရင်းမြစ်များ

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

MAZMUR 63:10

Ulun ondo' mangkinam mampatoi raki' mongoi subol ra pagun ru ulun namagatoi;

MAZMUR 63:11

potoyon ilo bulintok ra mangayou, am baangkai nilono akanon ru taani.

KAINGKUALAN 22:24

Sumangit Aku am mamatoi ramuyun ralalom pangayawan. Mangapuor andu' min am anak min kolondo' ama'.

JISAYA 13:18

Ulun mamulok potoyon nilo ra panah am tanggayan nano. Kalo makaasi' ilo ra lalagang kapoam lalaing.

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JIRIMIA 12:3

Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 15:7

Giu' ra moonong bandar ra pagun ti, akau patirin Ku koson ra rami. Kabalu' pana akau ulun Kuno, akau am anak-anak mino pusoon Ku, sabap ra marara' kau mangulau ra baal ru kaayagan min.

JIRIMIA 15:8

Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JIRIMIA 50:30

Ginio sabap ra ungkuyon mamulok ru Babil potoyon giu' ra ralan-ralan ru bandar, am ngaangai' saujor nano pusoon ra orou raginio. Aku, Tuhan, nakaindagu noyo.

JIRIMIA 9:21

Kapatayan siminubol noyo minaya' ra gigimpalan, am siminubol ra ralalom ru istana takau; kapatayan siminansar ra anak-anak giu' ra ralan maayo am buayoi-buayoi giu' ra intok malimparang.

SULABOI 1:15

“Kuritin ru Tuhan pantula'-pantula' kuno; nangator Io ra saujor koson mamuso ra ungkuyon mamulok kuno. Kininjangan No ulun kuno saboi natutuk, koson ra ulun mamaga' ra kawa' ru anggur.

SULABOI 5:3

Ama' mai pinatoi ru pantula', am raino ina' mai nasauk ra napuor.

YEHEZKIEL 16:38

Mangukum Aku rirun sabap ra pansawaan am niayuk pampatayan ondo' binaal muno. Sabap ra totopot Aku sumangit, ukumin Tokou ra matoi!

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

AMOS 4:10

“Atarin Ku maruol tumapik ramuyun koson ondo' inataran Ku giu' ra Misir. Potoyon Ku ulun mamulok min ralalom pangayawan am gaawon kuda min. Sosokon Ku pangkiman min ra baangkai ondo' owou no sumusuk ra arung. Kabalu' pana raginio, kalo niayuk sumaguli' kau Raki'.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

1 SAMUIL 15:33

Kon boo ri Samuil, “Koson ra ilang muno nangkinibit noyo ra masuang ina' naluusan ra anak, kon raginio niayuk ra ina' muno maluusan ra anak nano.” Puputulo' boo ri Samuil no Raja' Agag giu' ra saang ru altar giu' ra Gilgal.