JIRIMIA 18:20 - Tanou Moonsoi Timugon

²⁰ Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

JIRIMIA 18:20 ပူးပေါင်းရင်းမြစ်များ

AYUP 6:27

Makatampos kano magugundi' koson mangaru' ra kinuo ru lalaing napatayan ra matuo, am rinuung min rangan toojo min koson lumangkaya'.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

MAZMUR 119:95

Ulun malaat maginaa koson mampatoi raki', kaa' ukum Muno karaan kuno.

MAZMUR 35:12

Baal-baal ra moonsoi balasin nilo ra kalaatan, am malawo guang kuno.

MAZMUR 35:7

Kolondo' naayatan ra mantaan ilo ra jajaling koson pamparakop raki' am mangkali ilo ra luang malandom koson pamparakop raki'.

MAZMUR 38:20

Ngaangai' pantula' mangaligag am mangaikang; masuang ulun masisang raki' ra kolondo' sasaban.

MAZMUR 57:6

Iou Aki Kapuuno', patalango' noyo kinaatang Muno giu' ra limbowon, am katulayan Muno ra titikop ru tana' ti!

MAZMUR 7:15

Ilai' noyo ulun malaat mampaguang ra kalaatan; mangatang ilo ra mampajajou am mambaal ra pamparuungan.

AMSAL 17:13

Ulun ondo' mambalos ra kaansayan no ra kalaatan, kalo makapagiru' kalaatan ru baloi nano.

AMSAL 26:27

Ulun mapataan ra jajaling ru ulun bokon, io galama' sumulung ra jajaling no. Ulun mapaluir ra batu maintupan ilo niayuk ru batu no.

MAMPATANOU 10:8

Osoi ayuk nangkali ra luang ra tana', maratu' ilo ra ralalom nano. Osoi ondo' nomopol ra timbok no tindukon ru kukuo.

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 14:20

Iou Tuhan, ra Okou no ayuk akai makatula. Mangiou akai ra tula mai am tula ru kinamatuaan maili.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 18:19

Ginio ra pakiasi' aku, “Iou Tuhan, rongogo' pakiasian kutu; rongogo' atan ondo' raguon ru pantula' kuno intor raki'.

JIRIMIA 18:22

Polosoon noyo ulun mantakou matong ra baloi nilo ra mamulali', saboi gumolok ilo ra malaa'. Nangkali ilo ra luang maa' raginio maratu' aku ra ralalom no, am nampakaang ilo ra landak koson mamparakop raki'.

JIRIMIA 27:18

Amon ru totopot nabi ilo am nakaapu ra tanou intor Raki', raino polosoon ilo makitaak Raki', Tuhan Ondo' Maayo Kaga' Kuasa', maa' raginio kuliamos ondo' lakat poyo soroi ra Baloi Kuno am giu' ra istana ru raja' ra Jirusalim, kalo auton mongoi ra Babilonia.” (

JIRIMIA 5:26

Ulun malaat minayan ra gino ngai' ru ulun Kuno. Koson ilo ra ulun ondo' maginaa ra landak pinasaau koson mamparakop ra susuit, sabap ra pinasaau nilo landak koson mamparakop ra ulun.

JIRIMIA 7:16

Indagu Tuhan, “Jirimia, pai' no pakiasi' ra ulun ragitio. Pai' no pampiau makiindangan kapoam makiasi' koson risilo; pai' no pakimasi' Raki', sabap ra marara' Aku rumongog rirun.

SULABOI 3:59

Nakakito Kou ra kalaatan ondo' binaal raki'; ginio ra saungo' baal kuno.

JUANIS 10:32

Kaa' indagu i Jisus risilo, “Masuang binaal Kuno ra moonsoi maya' ra nanusuban ri Ama'; ati kia rondo' binaal Kuli ra akau momobol boo Raki'?”

JUANIS 15:25

Maa' raginio masugut ondo' tinulisan ra Ukum nilo, ‘Masisang ilo Raki' kabalu' pana kolondo' sasaban.’

1 SAMUIL 19:4

Rinagu ri Jonatan baal ri Daut ra mongoonsoi no ra Raja' Saul, kono, “Ama', pai' jamari' i Daut, ulipon muno. Kalo nambaal io ra kasalaan ru atan pana rirun; kaa' masuang noyo indangan nano rirun.