JIRIMIA 18:15 - Tanou Moonsoi Timugon

¹⁵ Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 18:15 ပူးပေါင်းရင်းမြစ်များ

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

JISAYA 3:12

Ulun mampaira' ra ruit mangimpai ra ulun Kuno am mamparuung risilo. Alii ra ulun Kuno, tingganai mino mapalayau ramuyun, saboi akau kalo makapandai ra ralan sotopot no bayaan min.”

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 13:25

Nakaindagu Io noyo ra ginio noyo pupus min. Ginio noyo ondo' inaru' Nano koson baalon ramuyun sabap ra nakalilian kau noyo Riso am mangintopot ra tuhan-tuhan ondo' kalo motopot.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 18:14

Ais batu kalo igondo' kairu' intor ra gunung batu giu' ra Libanon. Timug masalui ondo' tumilis intor ra kagunungan kalo igondo' kapua'.

JIRIMIA 19:5

Binaalan nilo i Baal ra altar maa' raginio makapampataak ilo ra anak-anak nilo koson ra taak simbalui ondo' solobon. Kaa' kalo igondo' Aku panusub risilo mambaal raginio, am poyo kalo igondo' baal raginio soroi ra pangkaraan Kuno.

JIRIMIA 2:13

sabap ra ulun Kuno nambaal ra ruo tula: nangiruan ilo Raki', puun ru timug ra mapakaayag ra ulun, am nangkali ilo ra kulam ondo' lawasan am kalo mototop ra timug.”

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 2:32

Mokoondo' kia ralaa ondo' makalilian ra limpor nano, kapoam ruandu' uoton ondo' makalilian ra bayang nano? Kaa' ulun Kuno nakalilian Raki' ra nabuoi kaga' – suang ru orou no kalo boo mauntob.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 51:18

Dewa-dewa no kolondo' onong am musiti' asabin; ngaangai' no pusoon paat ra Tuhan matong koson mangukum.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

YEHEZKIEL 21:15

Ulun Kuno mansiab ambiluo am maratu' ra makasaru. Tatanga' aku mangakang ra bandar nilo ra ilang ondo' manguliat koson ra ganit, am ondo' nakatampos koson mampatoi.

YEHEZKIEL 36:15

Pagun ti kalo boo asabin kapoam iison ru bansa'-bansa'. Pagun ti kalo boo mamuso ra mamagun nano. Aku, Tuhan Raja' nakaindagu noyo.”

GOSIA 11:2

Gino Aku piau-piau risilo, lumanja' ilo minggalur Raki'. Ulun Kuno mampataak ra taak simbalui ri Baal; monolob ilo ra kaminyan ra sinungkalalaing.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

GOSIA 2:6

Ilowon no ambai nano, kaa' kalo sumunu' risilo. Maguyum io risilo, kaa' kalo makatuum risilo. Mindagu io boo, ‘Muli' aku ra ralaki kasaa' kuli; baal kuno ragili moonsoi poyo intor raino.’

MALIAKI 2:8

Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

MATIUS 15:6

kalo boo pana mangurumat ulun no ra ama' nano. Koson raginio noyo inimpayan min ragu ri Aki Kapuuno' am gumagaya' ra pangilaan min galama'.

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.