JIRIMIA 18:12 - Tanou Moonsoi Timugon

¹² Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 18:12 ပူးပေါင်းရင်းမြစ်များ

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

KASAUKAN 8:21

Owou ru taak ri Nuu no mapabansuk ra guang ru Tuhan am igindagu Io galama', “Kalo boo ulason Ku tana' ti sabap ra binaal malaat ru ulun; nakapandai Aku noyo ra intor ayuk poyo ra mamulok, guang ru ulun malaat. Kalo boo luuson Ku ngaangai' ondo' maayag koson ra kakabaal Kunii.

2 RAJA'-RAJA' 6:33

Kalo poyo nakai' ragu-ragu ri Ilisa, raja' pana minatong am indagu, “Tuhan naparatong ra kapaganan ti ritakau! Atan kia onong kuno maginaa ra indangan Nano?”

JISAYA 57:10

Maagui kau maguyum ra sinungkalalaing ra bokon, kalo masaga' kau tumangus. Indoson min sinungkalalaing mino makapangikang ramuyun saboi akau kalo maagui.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 44:17

Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

YEHEZKIEL 37:11

Indagu i Aki Kapuuno' raki', “Okou ulun mapandai matoi, ulun ru Israil nogondo' koson ra bungul-bungul no. Kon nilo ra mapua' ilo, ra kolondo' kalansanan am kolondo' orou tauli.

MALIAKI 3:14

Kamin, ‘Kolondo' onong mangandoi ayuk ri Aki Kapuuno'. Atan onong no sumugut ra susuban Nano, kapoam mampakito ra itakau pansagulian guang ra kasalaan takau giu' ra saang ru Tuhan Ondo' Maayo Kaga' Kuasa'?

LUKAS 1:51

Mampakito Io ra kuasa' Nano am mampatuliar ra ulun-ulun mangasumbung.

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.