JIRIMIA 17:8 - Tanou Moonsoi Timugon

⁸ Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

JIRIMIA 17:8 ပူးပေါင်းရင်းမြစ်များ

AYUP 29:19

Aku koson ra puun tataun ondo' tumuu' ra malabung, bakat nano naukop ra timug am bolobou namasa' ra raan nano.

AYUP 8:16

Ulun malaat tumuu' koson ra sakot ragana' ru mato ru orou, koson ra sakot ondo' timinuu' ra titikop ru taman.

MAZMUR 1:3

Makaampos ilo ra atan ayuk kondoyon; ilo koson ra tatanom ondo' tinanom ra kiing ru sungoi ondo' mangkawa' maya' ra bulintok nano, am raun nano kalo lumonot.

AMSAL 11:28

Osoi lumansan ra rapu' maratu' io koson ra raun mapua', kaa' ulun ra kolondo' tula tumuu' koson ra sakot malabung.

JISAYA 58:11

Masalok Aku maningganai ramuyun am mamasug ramuyun giu' ra tana' mapua'; Aku magalung ramuyun maa' raginio maligag kau am maikang. Akau koson ra taman ondo' maulian ra timug no, koson ra taur ru timug ondo' kalo igondo' mapua'.

JISAYA 61:3

koson mapabansuk ra ulun ondo' mangulir giu' ra Sion, maansayan am niayuk maansukan, sala' ka pangilukan, rimbai pangamparan, sala' ka pangilukan. Masauk ilo koson ra puun ondo' tinanom galama' ru Tuhan. Mambaal ilo ra atan ondo' motopot, am i Aki Kapuuno' omporon sabap binaal Nano.

JIRIMIA 39:18

Okou bayagon Ku, am kalo potoyon kou. Maayag kou sabap ra mangintopot kou Raki'. Aku, Tuhan, nakaindagu noyo.”

YEHEZKIEL 31:3

Okou koson ra puun tataun sidar giu' ra Libanon, nososok ra pango ondo' masuang am moonsoi, puun tataun ondo' masawat saboi untu nano makasaboi ra gaun.

YEHEZKIEL 47:12

Giu' ra karuruo tobo ru sungoi no tumuu' mansalinut puun kinawa'. Raun ru puun-puun tataun no kalo lumonot, am puun-puun tataun no kalo lumonggo' mangkawa'. Moonong sila' puun-puun tataun no mangkawa' ra ondo' bagu, sabap ra puun-puun tataun no tinimugan ru timug ondo' tumilis intor ra Baloi ru Tuhan. Kawa'-kawa' no masauk ra akanon am raun-raun no alapon ra tatapis.”