JIRIMIA 17:5 - Tanou Moonsoi Timugon

⁵ Indagu Tuhan, “Mangukum Aku ra osoi ayuk ondo' mangiruan Raki', am ondo' malansan ra ulun am niayuk malansan ayuk ra ikang ru ulun ondo' mapandai matoi.

JIRIMIA 17:5 ပူးပေါင်းရင်းမြစ်များ

2 TUNUNG RU BANSA' ISRAIL 16:12

Paat ra bilor katalu ngoopor am siam ra pamarintaan ru Raja' Asa, kalayam nano natiu' ra maruol mapaja'. Kabalu' pana raginio kalo nakiindangan io ra Tuhan; kaa' nakiindangan io ra ulun mamabas.

2 TUNUNG RU BANSA' ISRAIL 32:8

Raja' ru Asyur mokoondo' ra kuasa' ru ulun, kaa' itakau mokoondo' ra Tuhan, i Aki Kapuuno' takau, ondo' mangindangan am mangayou ra bala takau.” Mamagun naunsu' ru ragu ru raja' nilo.

MAZMUR 18:21

Moonsoi balos ru Tuhan raki' sabap ra nambaal aku ra motopot; nambarakat Io raki' sabap ra kolondo' sala kuno.

MAZMUR 62:9

Akau bansa' kuno, pangintopot kano ri Aki Kapuuno' ra moonong bulintok. Pabalaa' min noyo Riso ngaangai' kapaganan mino, sabap ra Io noyo intok takau sumindung.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

JISAYA 20:5

Ulun ondo' lumansan ra Itiopia am mamanggo ra Misir masindualan ra guang. Kalansanan nilono matutuk.

JISAYA 36:6

Akau lumansan ayuk ra pangindanganan ru Misir, kaa' ginio koson ayuk ra ulun nangalap santaun tabu binaal ra susukur. Susukur no mapandak am mokotobok ra kalindu' mino galama'. Ginio niayuk ra raja' ru Misir ra osoi-osoi lumansan riso.’ ”

JISAYA 59:15

Kolondo' boo ulun mabanis guang, saboi osoi minggalur ra kalaatan, io galama' masauk ra mausung ru kalaatan.” Tuhan nakakito ra ngaangai' no, am kalo moonsoi gigilong Nano sabap kolondo' boo katimpakan.

JIRIMIA 11:3

Aku, Tuhan i Aki Kapuuno' ru Israil, nagulas ra moonong ulun ondo' kalo giminagaya' ra ragu-ragu ru nabantuan no.

YEHEZKIEL 6:9

Giu' no maayag ilo ralalom ru pamatiran. Makakara' ilo boo Raki' am makaliman ra Aku nangukum am nanuyu' risilo sabap ra kalo gumagaya' ilo Raki'. Nangiruan ilo Raki' am nampili' ra sinungkalalaing, am sala' ka Aku. Majamalan ilo ra inan nilo galama' sabap ra binaal ondo' malaat am makauyuyu' ondo' binaal nilo.

GOSIA 1:2

Paat ra Tuhan mindagu ra Israil ra kainsaa' ondo' pinabala' galing ri Gosia, indagu Io, “Anduo' sangulun ruandu' ondo' masaga' mantalan ra inan; am anak-anak muno niayuk masauk koson riso. Ulun Kuno mogondo' ra andu' muno; kalo gumagaya' ilo Raki' am nangiruan noyo Raki'.”