JIRIMIA 17:4 - Tanou Moonsoi Timugon

⁴ Pataakin min kalalaat tana' ondo' tinaakan Kuno ramuyun, am saukon Takamin ra ulipon ru pantula' giu' ra pagun ondo' kalo noyo toojo natutunan min. Baalon Ku ngaangai' no sabap ra sangit Kutu koson ra apui ondo' bibilak ra sabubuoi no.”

JIRIMIA 17:4 ပူးပေါင်းရင်းမြစ်များ

1 RAJA'-RAJA' 9:7

patirin Ku ulun Kuno Israil intor ra pagun ondo' tinaakan Kuno risilo. Iruanin Ku niayuk Baloi ti ondo' timpokon Ku koson ra intok sumambayang Raki' ayuk. Ulun giu' ra ati-ati intok no manauyu' am magasab ra ulun ru Israil.

2 RAJA'-RAJA' 25:21

giu' ra wilayah Gamat. Giu' no inimbolo' ilo am tauli no inukum ra matoi. Koon raginio noyo mamagun ru Jiuda rinakop intor ra tana' nilo am pinatiran ra pagun.

NIGIMIA 9:28

Kaa' paat ra mamimio poyo pagun no, siminaguli' ilo makatula, am Okou pana nompoloso ra pantula' nangala risilo. Kaa' paat ra ilo timinalikur intor ra tula am nakitaak Rirun mamayag risilo, intor ra suruga' norongog Mu piau nilo; am ruruli' Kou namayag risilo sabap ra Okou maayo guang makaasi'.

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 30:33

Intor poyo ra galing i tinampos noyo apui ra maayo koson monolob ra raja' ru Asyur. Intok no malandom am mapila' am niayuk makasuang ra luton ondo' pariuntur. Tuhan monolob ra luton no mamakai ra angin ru paminawo Nano.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 50:11

Akau ondo' masaga' mangimbolo' ra ulun bokon, pusoon kau ru atang min galama'. Tuhan noyo nambaal raginio masauk, imboloon kau noyo toojo.

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 15:14

Saukon Ku ilo ra ulipon ru pantula' giu' ra pagun ru bansa' ra bokon ondo' kalo nauligan nilo, sabap ra sangit Kuno koson ra apui ondo' bibilak ra sabubuoi no.”

JIRIMIA 16:13

Ginio ra pagiruon Takamin intor ra pagun ti am patirin kau giu' ra rondo' pagun ondo' totopot kalo natutunan min am kinamatuaan min. Giu' no mangandoi kau ayuk ra tuhan-tuhan ra bokon ra orou am rondom, am kalo makaasi' Aku ramuyun.’ ”

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 2:14

“Israil sala' ka ulipon; kalo inanak io koson ra ulipon. Kaa' kua ilowo' io ru pantula' nano?

JIRIMIA 22:28

Aku, i Jirimia mindagu, “Koson kia Raja' Joyakin ra pagangan napilang ondo' pinatiran am kalo boo kasagain? Ginio kia sabap no ra io am anak-anak nano pinagiru' am pinatiran ra pagun ondo' kalo natutunan nilo?”

JIRIMIA 5:19

Paat ra ilo mangkuot ra sasaban Kuno nambaal raginio ngaangai', balai' ilo Jirimia, ra koson ra ilo nangiruan Raki' giu' ra pagun nilo galama' am nangandoi ayuk ra dewa-dewa ru bansa' bokon, koson raginio niayuk ilo mangandoi ayuk ra bansa' bokon giu' ra tana' ondo' sala' ka pagun nilo.”

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 1:12

Golok io ra moonong ulun ondo' mansail ra giu', “Ilai' aku no. Kalo kia igondo' osoi pana naimbolo' koson raki', kaimbalaan ondo' pinaratong ru Tuhan raki' sabap ra sangit Nano.

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

YEHEZKIEL 21:31

Makaliman kau ra sangit Kuno koson ra apui ondo' bibilak paat ra Aku mapaabus raginio ramuyun. Pataakon Takamin ra ulun mapuka', ondo' nakaigila' mamuso ra ulun.

YEHEZKIEL 7:24

Mangator Aku ra bansa'-bansa' ondo' malaat kaga' mongoi ra pagun ti am polosoon ilo mayan ra baloi-baloi min. Paat ra Aku mompoloso risilo mampajamol ra intok sambayangan min, ungkuyon ondo' mapanggol kaga' intor ramuyun no magiru' ambiluo.

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.