JIRIMIA 17:24 - Tanou Moonsoi Timugon

²⁴ Gagaya' no ra ngaangai' susuban Kuno. Pai' pangkayang ra maagat mansail ra kulobon garabang ru bandar no paat ra orou Sabat. Iantako' orou Sabat koson ra orou ondo' patimpokon Raki', am pai' pangandoi paat ra orou raginio.

JIRIMIA 17:24 ပူးပေါင်းရင်းမြစ်များ

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 20:8

“Iantako' noyo orou Sabat am urumato' orou raginio koson orou ondo' matulai.

JISAYA 21:7

Amon ru nakito no sangulun kiminura' ra kuda sikaruo, am niayuk kiminura' ra kaladai am unta, musiti' imansain no ilo.”

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

YEHEZKIEL 20:20

Iantako' min orou Sabat koson tatandu' nabantuan Kuno ramuyun, koson mampakara' ramuyun ra Aku noyo Tuhan, i Aki Kapuuno' min.

JAKARIA 6:15

Ulun intor ra intok maalur matong koson mangindangan mambaal ra Baloi ru Tuhan. Mopongo Baloi ra binaal saguli' no, makapandai kau ra Tuhan Ondo' Maayo Kaga' Kuasa' nanusub raki' mongoi ramuyun. Ngaangai' ru baal raginio masauk amon totopot kau gumagaya' ra susuban ru Tuhan, i Aki Kapuuno' min.

SAGULION 11:13

“Ginio ra gagayaa' noyo ukum ondo' taakin kuno ramuyun ra orou raiti'. Tagami' noyo Tuhan i Aki Kapuuno' min am pangandoi noyo Riso ra sotopot ru salibuor.

SAGULION 11:22

“Gagayaa' noyo toojo ngaangai' ukum ondo' tinaakan kuno ramuyun: Tagami' noyo Tuhan i Aki Kapuuno' min, baalo' noyo ngaangai' ondo' nanusuban Nano am gagaya' noyo Riso.