JIRIMIA 17:22 - Tanou Moonsoi Timugon

²² Pai' pangandoi am pai' pangkayang ra maagat mingkual intor ra baloi muno paat ra orou Sabat. Iantako' orou raginio koson ra orou patimpokon Raki' koson ondo' nanusuban Kuli ra kinamatuaan min.

JIRIMIA 17:22 ပူးပေါင်းရင်းမြစ်များ

NIGIMIA 13:15

Paat raginio nakito ku mamagun ru Jiuda namaga' ra kawa' ru anggur paat ra orou Sabat. Santayaran ra ulun bokon nampasakoi ra unor-unor, kawa' ru anggur, kawa' ru ara am kuliamos ra bokon ra bakulung ru kaladai nilo, am inibit ginio ra Jirusalim. Pinakara' ku ilo maa' raginio kalo mantalan ra atan pana paat ra orou Sabat.

KAINGKUALAN 23:12

“Pangandoi kano buoi kaanaman ralalom saminggu', kaa' paat ra orou ra katulu' kalo pongondoyon kau, maa' raginio ulipon mino am niayuk ulun bansa' ru bokon ondo' mangandoi ramuyun, am niayuk bibiag tinambiag min makatangus.

JISAYA 58:13

Mindagu Tuhan, “Urumato' noyo orou Sabat koson ra orou ru Tuhan. Pai' pambaal ra kandoi koson kaatangan muno galama' ra orou raginio. Iantako' noyo orou raginio koson ra orou kaansukan; urumato' noyo orou ru Tuhan ra kalo saugar-ugar; pai' niayuk pangandoi kapoam mindagu ra kolondo' onong.

JIRIMIA 17:24

Gagaya' no ra ngaangai' susuban Kuno. Pai' pangkayang ra maagat mansail ra kulobon garabang ru bandar no paat ra orou Sabat. Iantako' orou Sabat koson ra orou ondo' patimpokon Raki', am pai' pangandoi paat ra orou raginio.

YEHEZKIEL 20:12

Susubon Ku ilo mangurumat ra orou Sabat koson tatandu' ru nabantuan Kuno risilo, koson mampakara' risilo ra Aku, Tuhan nampatulai risilo ra tayar Kuno.

YEHEZKIEL 22:8

Kalo urumaton min intok-intok ondo' matulai am kalo iantakon min orou Sabat.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 23:3

Mokoondo' onom ngoorou akau mangandoi, kaa' karaa' noyo ra paat orou katulu', iono orou Sabat, iono orou tangusan. Pai' pangandoi orou raginio, kaa' pantimung no ra sumambayang. Orou Sabat no orou timpokon ra Tuhan, ra ati ayuk inayanan mino.

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

LUKAS 23:56

Kopongo ragili, uli' ilo am pomongo ra tatapis maamis owou koson paumawon ra baangkai ri Jisus. Suabon i orou Sabat ru ulun ru Jaudi, am sumugut ra Ukum ri Musa timinangus ilo.

LUKAS 6:5

Indagu boo i Jisus risilo, “Anak ru Ulun manguasa' ra orou Sabat niayuk.”

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.