JIRIMIA 17:20 - Tanou Moonsoi Timugon

²⁰ Susubo' raja'-raja' am ngaangai' ulun ru Jiuda am niayuk ngaangai' mamagun ru Jirusalim ondo' mansail ra kulobon-kulobon raginio, maa' raginio mokorongog ra ragu Kuno.

JIRIMIA 17:20 ပူးပေါင်းရင်းမြစ်များ

JIRIMIA 19:3

Nanusub Tuhan raki' mindagu koson ragitio, “Raja' kau ru Jiuda am mamagun ru Jirusalim! Rongogo' atan ondo' masaga' Kuno, Tuhan Ondo' Maayo Kaga' Kuasa', i Aki Kapuuno' ru Israil, paraguon ramuyun. Mamparatong Aku ra karaat ondo' makalalaa' ra intok ragitio saboi ulun ondo' mangkirongog no makatigog.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

PINAINTALANG 2:29

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

MIKA 3:1

Rongog kano, panguasa' ru Israil kau ngai'! Akau musiti' no mampalio ra katimpakan,

AMOS 4:1

Rongog kano, akau ruandu' Samaria ondo' liminomok poyo koson ra sapi' molomok giu' ra Basan! Nangimbolo' kau ra ulun malawo, manginjang ra ulun musikin am masaga' kaga' manusub maa' raginio ralaki mino magail mangula' ra inumon makagauk ramuyun!

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

JIRIMIA 13:18

Indagu Tuhan raki', “Susubo' raja' am ina' nano tumuun intor ra panturungan nilo, sabap ra karaun nilo ra moonsoi naratu' noyo intor ra ulu.

JIRIMIA 17:19

Indagu Tuhan raki', “Okou Jirimia, ongoi no ra Kulobon Garabang ru Mamagun ondo' pansailan ru raja'-raja' ru Jiuda paat ra ilo mingkual mumpos ra bandar, am potonowo' noyo tanou Kutu ra giu' no. Mopongo raginio ongoi no ra ngaangai' kulobon garabang ra bokon giu' ra Jirusalim.

JIRIMIA 19:4

Baalon Ku gitio sabap ra bansa' ragitio nangiruan noyo Raki'. Nampajamol ilo ra intok ragitio ra nampataak ra taak simbalui ra dewa-dewa ondo' kalo nauligan nilo, kinamatuaan nilo, am raja'-raja' ru Jiuda. Tinotop nilo intok ti ra raraa' ru ulun ondo' kolondo' sala.

JIRIMIA 21:11

Nanusub Tuhan raki' mampasaboi ra tanou ti ra sasambaloi ru raja' ru Jiuda, papag ru Raja' Daut, “Rongogo' atan ondo' paraguon Kuno, Tuhan. Pirot no maa' raginio katimpakan baalon ra moonong orou. Palabuso' noyo ulun ondo' rinuung intor ra kuasa' ru ulun namparuung riso. Amon ru kalo, kalaatan ondo' baalon min mampasauk ra sangit Kuno mapaang koson ra apui ondo' kalo malasaan.”