JIRIMIA 17:2 - Tanou Moonsoi Timugon

² Bansa' mino sumamba ra sinungkalalaing giu' ra altar-altar am lugu'-lugu' mokoondo' ra sinungkalalaing ondo' pinatirong koson ri Dewi Asyira giu' ra saau ru moonong puun tataun masansam, giu' ra tampak-tampak ru bulur,

JIRIMIA 17:2 ပူးပေါင်းရင်းမြစ်များ

2 TUNUNG RU BANSA' ISRAIL 24:18

Ginio ra mamagun kalo boo sumambayang giu' ra Baloi ru Tuhan, i Aki Kapuuno' ru kinamatuaan nilo. Tumalimpuun ilo boo sumamba ra sinungkalalaing am sinungkalalaing ru Dewi Asyira. Tula nilono nangkinibit ra Tuhan siminangit ra Jiuda am Jirusalim.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

2 TUNUNG RU BANSA' ISRAIL 33:3

Raja' Manasi nambaal saguli' ra intok-intok sambaan ra sinungkalalaing ondo' pinuso ru ama' nali Raja' Gijkia. Binaal ru Raja' Manasi altar koson sumamba ra Baal am nambaal ra sinungkalalaing Dewi Asyira. Io niayuk sumamba ra butitin-butitin.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

KAINGKUALAN 34:13

Lunsayo' noyo altar nilono; umoko' lugu'-lugu' karamat nilo am tagaro' tatandu' Asyira, sinungkalalaing nilo.

JISAYA 1:29

Pansagulian guang mino ra akau sumamba ra puun ra tataun am manusub ra dewa-dewa koson magalung am mambarakat ra umo, maa' raginio makapaingkual ra ampos masuang.

JISAYA 17:8

Kalo boo lumansan ilo ra altar-altar binaal nilo galama', kapoam lumansan ra kandoi ru kalindu' nilo galama', ioginio sinungkalalaing Dewi Asyira am altar-altar panalaban ra kaminyan.

JIRIMIA 2:20

Indagu Tuhan Raja', “Alii ra Israil, intor ragili marara' kou mangandoi ayuk Raki'; marara' kou gumagaya' Raki' kapoam sumamba Raki'. Giu' ra rasawat ru moonong bulur ondo' masawat am giu' ra saau ru moonong puun tataun masansam, sumamba kou ra dewa-dewa ru kalabungan.

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

YEHEZKIEL 20:28

Inibit Ku ilo ra tana' ondo' binantu' Kuno, kaa' pakakito ilo ra bulur ondo' mangasawat am puun tataun masansam, nampataak ilo ra taak simbalui giu' ra intok-intok raginio. Napasingkual ilo ra sangit Kuno ra taak simbalui ondo' sinolob am wain ondo' pinataak nilo.

SAGULION 12:2

Giu' ra tana' ondo' ayanin min, pusoo' noyo ngaangai' intok sambaan ra dewa giu' ra rasawat ru gunung ondo' masawat, am giu' ragana' ru tataun masansam, intok ru bansa' ondo' minayan ra giu' no sumamba ra tuhan-tuhan nilo.

TINGGANAI RU BANSA' 3:7

Nalianan ru ulun ru Israil Tuhan i Aki Kapuuno' nilo. Makatula ilo ra Tuhan am siminamba ra sinungkalalaing Baal am Asyira.