JIRIMIA 17:18 - Tanou Moonsoi Timugon

¹⁸ Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 17:18 ပူးပေါင်းရင်းမြစ်များ

AYUP 16:14

Mamilat Io raki' ra rurulion; mamulunsar Io koson ra sangulun tutumula'.

MAZMUR 35:4

Polosoon ilono ondo' mangkinam pamatoi raki' kinala am tinauyu'. Polosoon ilono ondo' naguguum koson tumula' raki' lumungkang am maubong.

MAZMUR 35:8

Polosoon ilo malumpa' ru kapusaan ra kalo maiman-iman, am makasulung ra jajaling nilo galama' maratu' boo am mapuso.

MAZMUR 40:14

Iou Tuhan, bayago' aku no! Iou Tuhan, kataki' noyo pangindanganan Muno raki'!

MAZMUR 70:2

Iou Aki Kapuuno', bayago' aku no! Tuhan, ribaki' noyo mangindangan raki'!

MAZMUR 71:1

Iou Tuhan, matong aku makisindung Rirun; pai' aku polosoo' tauyuon.

JIRIMIA 1:17

Okou Jirimia, tampos no! Ugar no am balai' ilo intor ra ngaangai' ondo' nanusuban Kuno rirun. Pai' no kalaa' risilo maa' raginio kalo mangkinibit Aku rirun malaa' poyo paat ra okou muma' risilo ra maagu no.

JIRIMIA 11:20

Aku pana pakiasi' boo, “Iou Tuhan Ondo' Maayo Kaga' Kuasa', Okou akim ondo' matimpok; Okou mangkinam ra pangkaraan am guang ru ulun. Pataakon ku baal kuno ra ralalom ru kalindu' Muno; ginio ra polosoon noyo aku makakito ra pambalos Muno ra binaal ru ngaangai' ulun no.”

JIRIMIA 12:3

Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 17:13

Iou Tuhan, Okou noyo kalansanan ru Israil; ngaangai' ru ulun ondo' nangiruan Rirun tauyuon. Mapuso ilo intor ra tana' ti, am mongoi ra intok ru ulun minatoi, sabap ra nangiruan ilo ra Tuhan, puun ru timug ondo' mampakaayag.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 17:19

Indagu Tuhan raki', “Okou Jirimia, ongoi no ra Kulobon Garabang ru Mamagun ondo' pansailan ru raja'-raja' ru Jiuda paat ra ilo mingkual mumpos ra bandar, am potonowo' noyo tanou Kutu ra giu' no. Mopongo raginio ongoi no ra ngaangai' kulobon garabang ra bokon giu' ra Jirusalim.

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

SAGULION 33:11

Iou Tuhan, indangano' noyo bansa' nilo masauk ra maikang, gama' ru maansayan kou ra kandoi nilo. Tutuko' noyo ngaangai' pantula' nilo, polosoo' noyo pantula' nilo kalo lumuat saguli'.”

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.