JIRIMIA 17:12 - Tanou Moonsoi Timugon

¹² Baloi ru Tuhan takau koson ra turungan ondo' matulai, ondo' nakabanta' giu' ra rasawat ru gunung masawat intor poyo ra talimpuun i.

JIRIMIA 17:12 ပူးပေါင်းရင်းမြစ်များ

MAZMUR 103:19

Mambaal Tuhan ra panturungan Nano giu' ra suruga'; Io noyo raja' ondo' manguasa' ra ngaangai' No.

MAZMUR 96:6

Katulayan am urumat liminiput Riso, intok Nano natikop ra kuasa' am kaantakan Nano.

JISAYA 6:1

Paat ra bilor pinatayan ru Raja' Ujia, nakito ku Tuhan. Nanturung Io ra panturungan Nano ondo' masawat am matulai. Pompor ru sukub Nano nakalimpot pakataub ra Baloi ru Tuhan.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JIRIMIA 14:21

Karaa' noyo bantu' Muli, pai' akai no asabi'; pai' no luguto' nabantuan Muno ramon. Pai' no asabi' Jirusalim, intok panturungan Muno ondo' matulai.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

YEHEZKIEL 1:26

Giu' ra tampak ru bakuran no poyo mokoondo' rondo' ondo' maimpal koson ra kurisi' turungan ondo' binaal intor ra batu nilam. Rondo' ondo' koson ra ulun manturung giu' ra rasawat ru kurisi' turungan no.

YEHEZKIEL 43:7

“Okou ulun mapandai matoi, gitio noyo kurisi' turungan Kuno. Mayan Aku ragiti, tatanga' ru ulun ru Israil, am mamarinta Aku risilo ra sabubuoi no. Ulun ru Israil am raja'-raja' nilo kalo boo mampajamol ra inggalan Kuno ondo' matulai am sumamba ra sinungkalalaing, kapoam mompolobong ra baangkai ru raja' nilo ra intok ragitio.

MATIUS 25:31

“Paat ra Anak ru Ulun sumaguli' koson ra raja' mabaya' ra ngaangai' malaikat Nano, manturung Io ra takhta matulai Nano.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

IBRANI 4:16

Intor raginio makakau' takau minggaar ra takhta ri Aki Kapuuno' ondo' maayo kaga' togom, koson makitaak ra asi', kataawan am indangan Nano paat ra itakau makakapaganan.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.