JIRIMIA 17:1 - Tanou Moonsoi Timugon

¹ Indagu Tuhan, “Bansa' ru Jiuda kau, tula min tinulisan noyo ra pen basi'; tula mino pinabatik ra guang min ra pen intor ra intan, am pinapaat ra moonong pisuk ru altar mino.

JIRIMIA 17:1 ပူးပေါင်းရင်းမြစ်များ

AMSAL 3:3

Pangintopot kono am gagaya' ri Aki Kapuuno' am niayuk ulun. Karaa' noyo am bulii' noyo baal raginio ra guang muno.

AMSAL 7:3

Guuto' noyo pangilaan kuno ra moonong bulintok am bulii' ralalom ru guang muno.

JISAYA 49:16

Jirusalim, masalok Aku mangkara' rirun; inggalan muno tinulisan Ku ra palar ru kalindu' Kuno.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 2:22

Kabalu' pana mariu' kou ra mansabun ra masuang, kaa' lakat Aku poyo makakito ra itom ru kasalaan muno.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 4:14

Okou Jirusalim, kapasawo' guang muno intor ra ngaangai' kalaatan maa' raginio bayagon kou. Saboi sanggilan kou mangkara' ra malaat?

GOSIA 12:11

“Minindagu Aku noyo ra nabi-nabi, am niayuk nangani' risilo ra masuang pinaintalang, am pinabala' galing risilo nangani' Aku ra pampakaraan ra ulun Kuno.

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”

GOSIA 8:11

“Sumuang-suang altar ondo' baalon ru ulun ru Israil koson mamuso ra tula, sumuang poyo boo intok nilo mambaal ra tula.

IMAMAT 4:25

Imam ondo' mangandoi no musiti' mopososop ra bubua' ru kalindu' nano ra ralalom ru raraa' ru kambing no, pakupilon raraa' no ra sangau ra pisuk ru altar, am suwo ru raraa' no pawason boo ra tampilon ragana' ru altar.

JAKARIA 7:12

Kinokotog nilo guang saboi kalo siminugut ra pangilaan ondo' tinaakan Kuno risilo ondo' pinabala' galing ra nabi-nabi ra galing i. Ginio ra siminangit Aku kaga' risilo.

2 KORINTUS 3:3

Nakaintalang noyo toojo ra akau koson ra surat ondo' tinulisan ri Kristus galama' ondo' pinakirim pinasumbaya' ramon. Surat raginio pai' ru tinulisan ra dawat, kaa' mansail ra Ambiluo ri Aki Kapuuno' ondo' maayag; am poyo pai' ru pinabatik ra rondo' batu pamatikan, kaa' ralalom guang ru ulun.