JIRIMIA 16:6 - Tanou Moonsoi Timugon

⁶ Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 16:6 ပူးပေါင်းရင်းမြစ်များ

2 TUNUNG RU BANSA' ISRAIL 36:17

Ginio ra Tuhan namparatong ra raja' ru Babilonia koson mamulunsar risilo. Namatoi raja' Babilonia ra ulun mamulok ru Jiuda, am poyo ulun soroi giu' ra Baloi ru Tuhan. Kalo nakaasi' raja' no ra osoi pana, mamulok am matutuo, ungkuyon am ruandu', ulun marualan kapoam ulun maligag. Pinataak ri Aki Kapuuno' ilo ngaangai' ra raja' ru Babilonia.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 24:2

Moonong ulun makatuum ra pupus nano ra mogondo' – imam-imam am mamagun, ulipon am tuan, mambabali am mantatalan, mapaira' ra ruit am magira' ra ruit, langkaya' am musikin.

JIRIMIA 13:13

Mopongo raginio balai' ilo ra Aku, Tuhan mompototop ra ulun ra pagun ti ra wain saboi ilo magauk: raja'-raja' papag ri Daut, imam-imam, nabi-nabi am ngaangai' mamagun ru Jirusalim.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 41:5

balu' ngoopor ngaulun nakasaboi intor ra Sikgim, Silo am Samaria. Kinaur nilo jangut, rinilak bayang am pinilat-pilat inan. Tatanga' ilo nagibit ra gandum am kaminyan koson pataakon giu' ra Baloi ru Tuhan.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

IMAMAT 19:27

Pai' lomporo' abuk ra pusisingo muno kapoam lomporon jangut muno.

IMAMAT 19:28

Pai' baliso' kungkung muno, kapoam pilato' inan muno koson ra tatandu' mangulir ra ulun matoi. Aku noyo Tuhan.

AMOS 6:11

Paat ra Tuhan manusub, baloi maayo am baloi boborok pusoon.

MATIUS 9:23

Paat ri Jisus nakasuku' ra baloi ru tingganai i, ilai' no ulun-ulun manulali am posongonsol maya' ra kaulayan ru pampalabangan ru ulun ru Jaudi.

SAGULION 14:1

“Akau noyo ulun ru Tuhan i Aki Kapuuno' min. Ginio ra paat akau mangulir ra ulun ondo' minatoi noyo, pai' pilato' inan kapoam sukuro' abuk ra tampilon ra saang ru ulu min, koson ondo' baalon ru bansa' ra bokon.

PINAINTALANG 20:12

Nakito ku ulun namagatoi, langkaya' am musikin, minigor ra saang ru takhta no. Ukabo' boo kitab-kitab. Rondo' poyo inukab, ioginio kitab ru Ulun Mokoowot ra Kaayagan Motopot. Inukuman boo ulun namagatoi no maya' ra binaal nilono koson natulisan ra kitab.

PINAINTALANG 6:15

Ngaangai' boo ru ulun, raja' ru tana' ti, pamarinta, tingganai ru saujor, ulun langkaya' am ulun makakuasa', ulipon kapoam ulun kalo inulipon, mansibuni ilo ti ra luang batu am ra sisipan ru batu giu' ra gunung.