JIRIMIA 16:18 - Tanou Moonsoi Timugon

¹⁸ Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 16:18 ပူးပေါင်းရင်းမြစ်များ

MAZMUR 106:38

Potoyon nilo anak-anak ondo' kolondo' sala, saboi pagun no jinamol ru pampatayan no.

JISAYA 24:5

Tana' ti majamol sabap ra ulun minanggal ra ukum-ukum ri Aki Kapuuno' am liminungkang ra nabantuan ondo' binaal ri Aki Kapuuno' am ilo ra sabuoi-buoi no.

JISAYA 40:2

“Bansuko' noyo namagun ru Jirusalim. Balai' ilo, sama' noyo kaimbalaan nilono, am tula nilono inampun Ku noyo.” Inukum Ku ilo ra sotopot-topot no sabap ra tula nilono.

JISAYA 61:7

Kalo boo tauyuon am asabin kau. Mayan kau ra pagun min galama', kinalangkayaan mino masauk induo ruang; bansuk mino mantilayun ra sabuoi-buoi no.

JISAYA 65:6

Inaru' Ku noyo ukuman tayar nilono. Ukuman no tinulisan Ku noyo. Kalo polosoon Ku binaal nilono. Balasin Ku

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 2:7

Magibit Aku risilo mongoi ra tana' ondo' malabung koson sumia' ra ampos no am ngaangai' ondo' moonsoi. Kaa' linumo nilo tana' Kuno; jinaka' nilo pagun ondo' pinataak Kuno risilo.

JIRIMIA 3:9

am kalo toojo mauyu'. Jinaka' no pagun am nansawa' sabap ra sumamba ra batu am puun tataun.

JIRIMIA 44:4

Nararayus Aku nanusub ra ulipon Kuno, nabi-nabi ramuyun; nanginggalar ilo ramuyun nambaal ra malaat ondo' kasisangin Kuno.

JIRIMIA 7:30

Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

YEHEZKIEL 11:18

Paat ra ilo muli', musiti' ilo mamatir ra ngaangai' sinungkalalaing ondo' malaat am makauyuyu' no.

YEHEZKIEL 11:21

Kaa' mangukum Aku ra ulun ondo' masaga' sumamba ra sinungkalalaing ondo' malaat am makauyuyu'. Mangukum Aku risilo sabap ra binaal nilono.” Koon raginio noyo ragu ru Tuhan Raja'.

YEHEZKIEL 36:18

Polosoon Ku ilo makaliman ra ngaangai' sangit Kuno sabap ra nambaal ilo ra masuang namatayan giu' ra pagun no, am jinamol ginio ra sinungkalalaing nilo.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

IMAMAT 26:30

Mamuso Aku ra intok pampakanan mino giu' ra bulur-bulur no, mampalunsai ra altar-altar intok min monolob ra kaminyan, am mamatir ra baangkai mino ra rasawat ru sinungkalalaing ondo' natungkob no. Sabap ra majamalan,

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.