JIRIMIA 16:17 - Tanou Moonsoi Timugon

¹⁷ Nakakito Aku ra ngaangai' ondo' binaal nilo. Kolondo' sangulun pana ondo' nakasibuni intor Raki'; nakakito Aku ra tula-tula nilo.

JIRIMIA 16:17 ပူးပေါင်းရင်းမြစ်များ

2 TUNUNG RU BANSA' ISRAIL 16:9

Tuhan magail magalung ra titikop ru tana' ti am mangani' ra kaikangan risilo ondo' gumagaya' Riso. Sasambungon binaal muno, ginio ra intor raino magail kou mangayou.”

AYUP 10:14

Inilayan Mu aku maa' raginio amon ru makatula aku, kalo ampunon Mu aku.

AYUP 31:4

Nakapandai i Aki Kapuuno' ra ngaangai' binaal kuno; Makakito Io ra moonong tumpang kuno.

MAZMUR 109:15

Polosoon noyo Tuhan masalok mangkara' ra tula nilo, am kolondo' sangulun pana ra ulun ru tana' ti mangkara' risilo.

MAZMUR 139:3

Magilong Kou raki', bulintok ra aku mangandoi kapoam tumangus; napandayan Mu ngaangai' binaal kuno.

MAZMUR 33:15

Io noyo nambaal ra guang nilono, am makapandai ra nansalinut baalon nilono.

MAZMUR 51:9

Isasi' aku no, am masauk aku ra mapasau; bagui' aku no, am mapulak aku poyo intor ra gapas.

MAZMUR 90:8

Giu' ra saang Muno pabalaan Mu tula maino, tula mai ra nakasibuni makito Muno.

AMSAL 15:3

Makito ru Tuhan atan kasaukan ru titikop intok; magilong Io ritakau, nambaal kia ra moonsoi kapoam malaat.

AMSAL 5:21

Makito ru Tuhan ngaangai' binaal mino. Ati ayuk ongoyon mino, magilong Io ramuyun.

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

JISAYA 66:18

Makapandai Aku ra karaan am binaal nilono. Matong Aku koson manimung ra ngaangai' bansa'. Paat ra ilo makatimung, makakito ilo ra kuasa' Kuno,

JIRIMIA 2:22

Kabalu' pana mariu' kou ra mansabun ra masuang, kaa' lakat Aku poyo makakito ra itom ru kasalaan muno.

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

JIRIMIA 29:23

Koon raginio noyo pupus nilo sabap ra nambaal ilo ra tula mangaayo giu' ra Israil: nansasawa' ilo, am namakai ra inggalan ru Tuhan koson nagabau. Binaal raginio nansala' ra kasagaan ru Tuhan. Nakapandai Io ra atan ondo' binaal nilo, am Io galama' nasauk ra sasi' ondo' manggal risilo. Tuhan nakaindagu noyo.”

JIRIMIA 32:19

Inatangan Muno mapintar am binaal Muno makaimuag; nakito Mu ngaangai' ondo' binaal ru ulun, am nambalos risilo topot koson ra binaal nilo.

JIRIMIA 7:11

Guang min kia ra Baloi Kutu intok pansibunian ru mantatakou? Nakakito Aku ra ngaangai' binaal min no.

YEHEZKIEL 8:12

Pangkuot boo i Aki Kapuuno' raki', “Okou ulun mapandai matoi, nakito mu kia atan ondo' tatanga' baalon ru tingganai ru Israil ra sininok? Ilo ngaangai' sumambayang giu' ra ralalom ru lamin ondo' nososok ra sinungkalalaing am sasaban ra kalo makito Ku ilo am nangiruan Aku noyo ra pagun ti.”

YEHEZKIEL 9:9

Taam i Aki Kapuuno', “Mamagun ru Israil am Jiuda nambaal ra tula ondo' maayo kaga'. Namatoi ilo giu' ra titikop ru pagun, am sinosok Jirusalim ra kalaatan. Minindagu ilo ra Aku, Tuhan, nangiruan noyo ra pagun nilo, am kalo makakito Aku risilo.

JIPANYA 1:12

“Paat raginio alapon Ku lampung am uliaton bandar Jirusalim. Ukumin Ku mamagun nano ondo' najala' am mangintopot ra inan galama', am ondo' mindagu, ‘Tuhan kalo igondo' nambaal koson ragitio am raginio.’

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.