JIRIMIA 16:10 - Tanou Moonsoi Timugon

¹⁰ Paat ra okou mampasaboi ra ngaangai' ru baal ragitio risilo, mangkuot ilo sabap ra namatas Aku koson mangukum risilo ra maagat kaga'. Mangkuot ilo intor ra kasalaan am tula nilo Raki', Tuhan i Aki Kapuuno' nilo.

JIRIMIA 16:10 ပူးပေါင်းရင်းမြစ်များ

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

JIRIMIA 13:22

Maaru' mangkuot kau kua ra ngaangai' no liminumpa' ramuyun; kua ra bayang min rinilak am kua sinawa' kau. Pakapandai no ra ngaangai' no nasauk sabap ra tula min maayo kaga'.

JIRIMIA 2:23

Ati kulaan kia okou mindagu ra kalo majamol kou, am ra okou kalo igondo' samba ra sinungkalalaing Baal? Ilai' ga binaal muno giu' ra limayak; makatula kou ra giu' no. Koson kou ra unta masigo ondo' makipaa', ondo' nagisimbul ra giu' am giti, kalo mororo',

JIRIMIA 2:35

lakat poyo mindagu kau, ‘Kolondo' sala kuno; maaru' kalo boo sumangit Tuhan raki'.’ Kaa' Aku, Tuhan mangukum ramuyun sabap ra marara' kau mangiou ra tula min.

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 5:19

Paat ra ilo mangkuot ra sasaban Kuno nambaal raginio ngaangai', balai' ilo Jirimia, ra koson ra ilo nangiruan Raki' giu' ra pagun nilo galama' am nangandoi ayuk ra dewa-dewa ru bansa' bokon, koson raginio niayuk ilo mangandoi ayuk ra bansa' bokon giu' ra tana' ondo' sala' ka pagun nilo.”

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

GOSIA 12:8

Indagu Tuhan ra ulun ru Israil, “Malaat kau koson ra ulun ru Kanaan. Ulun mantatalan min masaga' mamparuung ra ulun mambali ra timbangan ondo' kalo motopot.