JIRIMIA 15:8 - Tanou Moonsoi Timugon

⁸ Pagun min mososok ru ulun napuor, masuang poyo intor ra agis giu' ra nagas. Potoyon Ku ulun mamulok saboi ina' nilo maimbolo'. Pulali' Ku porotongon i mamumuso saboi ra ilo malaa' am magalabo.

JIRIMIA 15:8 ပူးပေါင်းရင်းမြစ်များ

JISAYA 3:25

Ngaangai' ungkuyon ru bandar no, am poyo ulun baani matoi bulintok ra mangayou.

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

JISAYA 4:1

Bulintok raginio, tulu' ngaulun ruandu' mampaguut ra sangulun ungkuyon am mindagu, “Akanon am inumon matampilanan mai, kaa' polosoo' akai mindagu ra okou ralaki mai, maa' raginio kalo mauyu' akai ra kalo inuot.”

JIRIMIA 16:3

Balain Tokou ra baal ondo' masauk ra anak-anak ondo' anakon ragiti am matuo nilo.

JIRIMIA 18:21

Kaa' raino, iou Tuhan, polosoo' noyo anak-anak nilo matoi ra bitilan kapoam matoi ralalom ru pangayawan. Polosoon noyo bala ruandu' nilo mailusan ra ralaki am anak; polosoon noyo bala ru ungkuyon matoi sabap ra maruol tumapik am ulun mamulok matoi ralalom ru pangayawan.

JIRIMIA 22:7

Mangator Aku ra ulun koson manutuk raginio. Magibit ilo ra kapak, puuton boo lugu'-lugu' ondo' moonsoi, ondo' binaal intor ra tataun sidar. Mopongo raginio pasuboon nilo boo ra ralalom ru apui.

JIRIMIA 4:16

Mampakara' ilo ra bansa'-bansa' am mambala' ra mamagun ru Jirusalim ra pantula' tatanga' matong intor ra pagun ondo' maalur. Pantula' gumolok koson manggal ra bandar-bandar Jiuda

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

SULABOI 5:3

Ama' mai pinatoi ru pantula', am raino ina' mai nasauk ra napuor.

YEHEZKIEL 22:25

Tingganai-tingganai nilo koson ra singa' ondo' mansangal malupus nansaam ra akanon. Namatoi ilo ra ulun, nampagaau ra ngaangai' ruit am rapu', am niayuk nangkinibit ra masuang ruandu' nasauk ra napuor.

GOSIA 4:5

Orou rondom akau mambaal ra kasalaan. Nabi-nabi min pana koson raginio. Ginio ra mamuso Aku ra Israil, ina' min.

LUKAS 21:35

Sabap ra ratangan nano mampalandak ra ngaangai' ulun ru tana' ti.