JIRIMIA 15:3 - Tanou Moonsoi Timugon

³ Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 15:3 ပူးပေါင်းရင်းမြစ်များ

MAZMUR 68:23

Mindagu Tuhan, “Ibiton Ku pantula' mino saguli' intor ra Basan, ibiton Ku ilo saguli' intor ra raat ondo' malandom,

JISAYA 18:6

Baangkai ru saujor nilono sakabantai' akanon ru susuit am tambiag masigo. Bulintok malasu' baangkai-baangkai no akanon ru susuit, am bulintok masimu' akanon ru tambiag masangit.”

JIRIMIA 12:9

Ulun pinili' Kuno koson ra sanginan susuit ondo' sinumbit ru sanginan kanui intor ra ngaangai' intok. Piawo' bibiag masigo koson maya' manaliir risilo.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 7:33

Baangkai masauk ra akanon ru susuit am bibiag masigo am kolondo' boo ulun mangunjau.

SULABOI 3:11

Nangilou Io raki' saboi aku liminisang ra ralan, am bininsang aku am iniruanan aku.

YEHEZKIEL 14:21

Gitio noyo ragu ru Tuhan Raja', “Porotongon Ku apat ukuman ondo' moporos kaga' ra Jirusalim koson mamuso ra ulun am poyo bibiag. Ukuman no pangayawan, bitilan, bibiag masigo am maruol tumapik.

YEHEZKIEL 33:27

“Posoboyo' ragu pampakaraan intor Raki', Tuhan Raja' risilo. Sabap ra Aku, i Aki Kapuuno' ondo' naayag, ulun ondo' minayan giu' ra intok nalunsai ra bandar-bandar no potoyon. Ilo ondo' minayan giu' ra kampung akanon ru bibiag masigo. Ilo ondo' nansibuni giu' ra gunung am giu' ra luang batu matoi sabap ra maruol tumapik.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

IMAMAT 26:25

Porotongon Ku pangayawan giu' ra pagun mino koson mangukum ramuyun, sabap ra lumungkang ra nabantuan Kuli ramuyun. Paat ra mantimung kau ralalom ru bandar koson makiampin, porotongon Ku maruol ondo' magibit ra patayan saboi makirakop kau kalalaat ra pantula' min.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

SAGULION 28:26

Paat ra akau matoi, susuit am bibiag masigo matong am mangakan ra baangkai min. Kolondo' sangulun pana mangunjau ra susuit am bibiag raginio.

SAGULION 32:24

Matoi ilo sabap ra mansalom am bitilan; matoi ilo sabap ra maruol ondo' makalalaa'. Maparatong aku ra bibiag masigo koson mansaam risilo, am kukuo makatuwo koson maninduk risilo.

PINAINTALANG 6:8

Kakito ku sanginan kuda ondo' mabula' am ondo' siminakoi no ininggalanan ra ‘Patayan ’ am minitut riso no Nabalu, ioginio intok ru ulun-ulun namagatoi. Inanian ilo ra kuasa' koson mampatoi ra sampiapat ulun ru tana' ti ra pangayawan, bitilan, tiranga' am saamon ru bibiag masigo.