JIRIMIA 15:18 - Tanou Moonsoi Timugon

¹⁸ Kua marayus aku ayuk maimbolo'? Kua ra pilat kutu malandom am kalo mapali'-pali'? Kuayan Muno mapasinduol kia raki' koson ra sungoi ondo' lumasak bulintok malasu'?”

JIRIMIA 15:18 ပူးပေါင်းရင်းမြစ်များ

AYUP 14:11

Koson ra sungoi ondo' liminonggo' tumilis, am tasik ondo' nakai' noyo timug,

AYUP 34:6

Kinara' aku ra magabau, sabap ra mindagu aku ra motopot. Malandom pilat kuno, kaa' kolondo' sala kuno.’

MAZMUR 6:3

Pakaasi' no raki', iou Tuhan sabap ra naagui aku; kaligago' aku no sabap ra totopot naagui aku.

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 14:3

Nanusub ulun langkaya' ra ulipon-ulipon maguyum ra timug; minongoi ilo ra tulubong-tulubong kaa' kolondo' boo timug; siminaguli' ilo ra rarapu' kolondo' suang. Mabaya' ra nasindualan guang am kolondo' kalansanan nauyu' ilo am sinilian bulos.

JIRIMIA 20:18

Kua anako' aku! Koson kia ra maimbolo' ayuk am makaliman ra kapaganan? Bayag kutu makasail kia koson mokoowot ra mauyu' ayuk?

JIRIMIA 20:7

Iou Tuhan, rinuung Mu aku, am naruung aku. Maikang Kou intor raki' am nangala raki'. Iniis aku ru moonong ulun, inasaban intor ra susuab ti saboi ra mamai'.

JIRIMIA 30:12

Indagu Tuhan ra ulun Nano, “Pilat min masaran toojo, pilat min ra kolondo' tatapis no.

JIRIMIA 30:15

Pai' boo pambutok intor ru pilat min, sabap ra kolondo' kalansanan min ra mapali'. Mangukum Aku ramuyun ra ralan raginio, sabap ra tula min masuang kaga' am kalaatan min najanjayan kaga'.

MIKA 1:14

Raino mamagun ru Jiuda kau ngai', balai' noyo ra ugaran mino koson mangiruan ra bandar Morisyit-Gat. Raja'-raja' ru Israil kalo makaalap ra indangan intor ra bandar Akjib.

MIKA 1:9

Pilat ru Samaria kalo mapali', am Jiuda mataki' malumpa' ru kaimbalaan ondo' nogondo'. Kapusaan nakasuku' noyo ra kulobon garabang ru Jirusalim, intok namagunan ru bansa' kuno.”