JIRIMIA 15:15 - Tanou Moonsoi Timugon

¹⁵ Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

JIRIMIA 15:15 ပူးပေါင်းရင်းမြစ်များ

NIGIMIA 13:22

Nanusub aku ra ulun ru Liwi maa' raginio mangimpasau ra inan am magalung ra kulobon-kulobon garabang koson magilong ra ulun maa' raginio mangurumat ra orou Sabat. Iou Aki Kapuuno', karaa' noyo aku sabap ra baal ragitio, am pakaasi' no raki' sabap ra togom Muno ondo' maayo.

NIGIMIA 13:31

Nangaru' aku no ra paat ra ulun ondo' magibit ra luton koson monolob ra taak simbalui, am paat ra ulun magibit ra taak nilo, iono ampos ru unor-unor am kikinawa' ondo' kasaa' maansak. Iou Aki Kapuuno', karaa' noyo ngaangai' baal ragitio, am barakato' noyo aku.

NIGIMIA 5:19

Makitaak aku Rirun, iou Aki Kapuuno', karaa' noyo ngaangai' ondo' binaal moonsoi kuno ra bansa' ragitio, am barakato' aku no.

NIGIMIA 6:14

Pakiasi' aku, “Iou Aki Kapuuno', karaa' noyo atan ondo' binaal ri Tobia am i Sanbalat. Ukumi' noyo ilo. Karaa' niayuk i Noaja, nabi ruandu' no am ngaangai' nabi ra bokon ondo' nangkinam nampakalalaa' raki'.”

AYUP 10:7

Nakapandai Kou ra kolondo' sala kuno, am kolondo' osoi pana makapamayag raki' intor Rirun.

MAZMUR 102:24

Kinalawo aku ru Tuhan bulintok ra aku lakat poyo mamulok; kariwaan No umur kuno.

MAZMUR 106:4

Karaa' aku no, iou Tuhan, bulintok ra Okou mangindangan ra ulun Muno; bayago' aku niayuk, bulintok ra Okou mamayag risilo.

MAZMUR 119:84

Kula' buoi kuno maginaa? Sanggilan poyo pangukuman Muno risilo ondo' mangimbolo' raki' no?

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 39:13

Rongogo' noyo pakiasian kutu, iou Tuhan, am apuo' noyo pakimasian kuno, pai' noyo pongkoror paat ra aku mantangi'. Masauk aku ra tambului Muno kaa' sangkinolor ayuk, koson ra kinamatuaan kuli.

MAZMUR 44:22

magu' mapandayan Mu, sabap ra Okou makapandai ra suang ru guang ru ulun.

JISAYA 38:3

“Karaa' noyo, iou Tuhan, aku ti mangandoi ayuk Rirun, gumagaya' am sumugut, am masalok aku mompogogot koson mambaal ra kasagaan Muno.” Raja' pana nantangi' am mangiluk guang.

JIRIMIA 12:3

Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JIRIMIA 15:10

Aibui boo raki' ti! Kua kia anako' aku ri ina' kuli? Makimansangor aku kalalaat am makimagansang kalalaat ra moonong ulun ra pagun ti. Kabalu' pana kalo igondo' aku nampaira' kapoam nagira' ra ruit, kaa' ulason aku ru ngaangai' ulun.

JIRIMIA 15:20

Saukon Tokou koson ra timbok gangsa' risilo. Manggal ilo rirun, kaa' kalo makapangala rirun. Mabaya' Aku rirun koson manindung am mamayag rirun.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

JIRIMIA 20:8

Pogonong ra aku mindadagu, musiti' aku gumolok ra mapuor toojo, “Malaat kaga'! Kapusaan!” Iou Tuhan, iniis am inasaban aku ra moonong paat, sabap ra nampasaboi aku ra tanou Muno.

SULABOI 3:64

“Iou Tuhan, ukumi' ilo nogondo' ra binaal nilo.

SULABOI 3:66

Ilowo' ilo am pusoo' ilo intor ra tana' ti.”

MATIUS 10:22

Ginio ra moonong ulun masisang ramuyun sabap ra akau mangintopot Raki'. Kaa' osoi mokoorot saboi ra tauli no io ti bayagon.

MATIUS 19:29

Osoi ayuk mangiruan ra baloi, kapoam pabukat no ra ungkuyon, kapoam pabukat no ra ruandu', kapoam ina' am ama', kapoam anak nano, kapoam lanau am umo nano; ulun ragitio makaalap maatus ruli' ra raino ti am niayuk aniin io ra kaayagan mantilayun.

LUKAS 21:17

Ngaangai' ulun masisang ramuyun sabap ra mangintopot kau Raki'.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

ROMA 8:35

Mokoondo' kia makapanginga' ri Kristus monogom ritakau? Kapaganan kia? Pagalabaan kia? Kaimbalaan kia? Bitilan kia? Kunsikang kia? Baal makalalaa' kia? Kapoam kapatayan kia? Maaru' kolondo'!

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

PINAINTALANG 18:20

Pakaansuk mamagun ru suruga' ra kalunsayan ru bandar no. Pakaansuk ulun ri Aki Kapuuno', rasul am nabi, sabap ra linunsai noyo ri Aki Kapuuno' bandar no koson balos ra atan ondo' binaal ramuyun ru mamagun raginio.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”

TINGGANAI RU BANSA' 16:28

Pakiasi' boo i Simson, “Iou Tuhan Raja', pakakara' noyo raki'. Indangano' aku ra raino ti ayuk, iou Aki Kapuuno'. Anii' aku ra kaikangan kuli saguli' maa' raginio ra timbalos ti makapansuli' aku ra bansa' ru Palistin ondo' nanguol ra karuruo unor ru mato kuno.”