JIRIMIA 15:1 - Tanou Moonsoi Timugon

¹ Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 15:1 ပူးပေါင်းရင်းမြစ်များ

KASAUKAN 19:27

Suabon no ra iosusuab toojo, naringkaagou i Abragam minongoi ra intok binigaran no ra saang ru Tuhan ragili.

2 RAJA'-RAJA' 17:20

Inimpayan ru Tuhan ngaangai' ulun ru Israil. Nangukum Io risilo am pinataak ra pantula' ondo' malaat, saboi pupus no pinatiran No ilo intor ra tana' ondo' tinaakan Nano risilo.

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

AMSAL 14:35

Raja' maansukan ra pagawai ondo' mapandai, kaa' ukumin no pagawai ra kalo mapandai mapaugar ra kandoi.

JIRIMIA 10:18

Patirin kau ru Tuhan intor ra pagun ti; umokon No akau saboi sangulun pana kolondo' matatang. Gini noyo ragu ru Tuhan.

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 14:11

Minindagu Tuhan raki', “Pai' noyo kitaako' Aku mangindangan ra ulun raginio.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 15:19

Taam boo Tuhan, “Amon ru sumaguli' kou, apuon Tokou. Masauk kou poyo ra ulipon Kuno. Amon ru mampatanou kou ra tanou ondo' mokoonong am sala' ka ondo' kolondo' ampos, masauk kou saguli' ra nabi Kuno. Ulun matong poyo rirun, am okou kalo pana mongoi risilo.

JIRIMIA 16:13

Ginio ra pagiruon Takamin intor ra pagun ti am patirin kau giu' ra rondo' pagun ondo' totopot kalo natutunan min am kinamatuaan min. Giu' no mangandoi kau ayuk ra tuhan-tuhan ra bokon ra orou am rondom, am kalo makaasi' Aku ramuyun.’ ”

JIRIMIA 16:5

Pai' umpos ra baloi ru ulun ondo' mangulir. Pai' panulaboi ra osoi pana. Kalo boo barakaton Ku ulun Kuno ra kaansayan, am kalo motogom kapoam makaasi' Aku risilo.

JIRIMIA 18:20

Motopot kia ra moonsoi balasin ra malaat? Kaa' nangkali ilo ra luang maa' raginio maratu' aku ra ralalom no. Karaa' noyo ra sinaung ku ilo ra saang Muno, maa' raginio kalo sangitin Mu ilo.

JIRIMIA 22:28

Aku, i Jirimia mindagu, “Koson kia Raja' Joyakin ra pagangan napilang ondo' pinatiran am kalo boo kasagain? Ginio kia sabap no ra io am anak-anak nano pinagiru' am pinatiran ra pagun ondo' kalo natutunan nilo?”

JIRIMIA 23:39

anamon Ku ilo, am patirin ilo ra maalur, ilo am poyo bandar ondo' tinaakan Ku risilo am kinamatuaan nilo.

JIRIMIA 35:19

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, nambantu' ra i Jonadab anak ri Rikab magail mokoondo' ra papag ra ungkuyon ondo' mangandoi ayuk Raki'.”

JIRIMIA 52:3

Siminangit kaga' Tuhan ra mamagun ru Jirusalim am Jiuda saboi pinagiru' No ilo am kalo boo nanindung risilo. Giminuor Raja' Jidikia ra Raja' Nibukadnijar intor ra Babilonia.

JIRIMIA 9:19

Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

YEHEZKIEL 14:14

Kabalu' pana i Nuu, i Danil am i Ayup, talu ngaulun no minayan ra giu' no, kinoonsoi nilo makapamayag ayuk risilo galama'.” Koon raginio noyo ragu ru Tuhan Raja'.

YEHEZKIEL 22:30

Maguyum aku ra sangulun ondo' makabaal ra timbok, ondo' makabigor giu' ra tampilon ra timbok ondo' nalunsai noyo koson mangampin ra pagun paat ra Aku masaga' mamuso raginio sabap ra sumangit Aku, kaa' kolondo' sangulun pana natuum Ku.

GOSIA 9:15

Indagu Tuhan, “Ngaangai' kalaatan nilo timinalimpuun giu' ra Gilgal. Giu' no Aku timinalimpuun masisang risilo. Pinagiru' Ku ilo intor ra pagun Kuno sabap ra kalaatan ondo' binaal nilo. Kalo boo motogom Aku risilo. Ngaangai' tingganai nilo giminuor Raki'.

JAKARIA 3:3

Minigor i Josua ra giu' am nambayang ra ondo' majamol kaga'.

SAGULION 9:26

Aku pana nakiasi' Riso, ‘Iou Tuhan Raja', pai' pusoo' ulun Muno, ondo' binayag Mu noyo am inibit miningkual intor ra Misir ra kaikangan am kuasa' Muno ondo' maayo.

IBRANI 9:24

Ginio sabap ri Kristus kalo minumpos ra Intok Matulai binaal ru ulun ondo' tumilu ra Intok Matulai ra sotopot no. Kaa' minumpos Io ra suruga' am soroi Io ra giu' no raino koson makiindangan Io ri Aki Kapuuno' ritakau.

TINGGANAI RU BANSA' 5:9

Bansuk ru guang kuno ra ngaangai' panglima ru Israil am ra mamagun ondo' masaga' mangayou. Omporo' noyo Tuhan!

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.

1 SAMUIL 7:9

Nanimbalui i Samuil ra sanginan anak domba mamulok am pinataak no ginio ra tayar ru taak simbalui koson mapabansuk ra guang ru Tuhan. Kopongo raginio nakiasi' io ra Tuhan mangindangan ra Israil, am iniou ru Tuhan pakiasian nano.