JIRIMIA 14:7 - Tanou Moonsoi Timugon

⁷ Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 14:7 ပူးပေါင်းရင်းမြစ်များ

IJRA 9:15

Iou Tuhan, i Aki Kapuuno' ru Israil, matimpok Kou kaga'. Kabalu' pana koon raginio, nangiou Kou ramon maayag. Mangiou akai ra tula mai. Kalo maaya' akai matong ra saang Muno.”

MAZMUR 115:1

Sala' ka akai, iou Tuhan, sala' ka akai, kaa' Okou ayuk maaya' katulayon am omporon, sabap ra Okou mampagagaya' toojo am monogom ramon.

MAZMUR 25:11

Iou Tuhan, ampuno' aku no sumugut ra bantu' Muli, sabap ra maayo tula kuno.

MAZMUR 79:9

Indangano' akai no, iou Aki Kapuuno', mamamayag ramon; ralalom ru katulayan Muno galama', bayago' akai no am ampuno' noyo tula mai.

JISAYA 48:11

Binaal Ku gitio koson kaatangan Kuno galama', kalo polosoon Ku inggalan Kuno jamalin, kapoam mantayar ra katulayan Kuno ra osoi-osoi ayuk.”

JISAYA 59:12

Masuang kaga' kalaatan mai Rirun; tula-tula mai manguu' ramon. Topot-topot mai malimanan kalaatan mai, am makapandai ra tula-tula mai.

JIRIMIA 10:19

Pompogolok mamagun ru Jirusalim, “Malandom pilat maiti! Pilat maiti kalo mapali'. Ragili indoson mai ra kaimbalaan ti masaanan mai, kaa' sotopot no kalo.

JIRIMIA 2:19

Kalaatan muno galama' ondo' mangukum rirun; maimbolo' kou sabap ra nangiruan Raki'. Makaliman kou ra mapara' boo pait no am sala no nangiruan Raki', Tuhan, i Aki Kapuuno' muno, am kalo boo gumagaya' Raki'. Aku, Tuhan Raja' Ondo' Maayo Kaga' Kuasa' nakaindagu noyo.”

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 3:6

Paat ra pamarintaan ru Raja' Josia, indagu Tuhan raki', “Nakito mu noyo kia binaal ru Israil, ruandu' ondo' kalo gumagaya' no? Nangiruan io Raki' am nantalan ra inan giu' ra rasawat ru moonong bulur masawat am giu' ra saau ru moonong puun tataun masansam.

JIRIMIA 5:25

Kaa' tula min nongompong ra ngaangai' baal moonsoi no saboi ra akau kalo makasia' raginio.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

YEHEZKIEL 20:14

Kaa' kalo nambaal Aku raginio sabap ra baal raginio mangkinibit ra inggalan Kuno asabin ru gino ngai' bansa' ondo' nakakito Raki' naningganai ra ulun ru Israil miningkual intor ra Misir.

YEHEZKIEL 20:22

Kaa' kalo binaal Ku ginio, sabap baal raginio mangkinibit ra inggalan Kuno asabin ru gino ngai' bansa' ondo' nakakito Raki' nagibit ra ulun ru Israil miningkual intor ra Misir.

YEHEZKIEL 20:9

Kaa' kalo baalon Ku ginio, sabap ginio mangkinibit ra inggalan Kuno asabin. Giu' ra saang ru mamagun ru Misir, nampatanou Aku noyo ra ulun ru Israil ra maningganai Aku risilo mingkual intor ra Misir.

GOSIA 5:5

Kinalimbau ru ulun ru Israil makito kaga' am nasauk ra inono' ru kasalaan nilo. Tula nilo nangkinibit risilo nakasaru am naratu', am bansa' ru Jiuda pana naratu' nakaaya' risilo.

GOSIA 7:10

Kinalimbau ru ulun ru Israil makito toojo am nasauk ra inono' ru kasalaan nilo. Kabalu' pana ngaangai' nasauk noyo, kalo siminaguli' ilo Raki', Tuhan i Aki Kapuuno' nilo.

AMOS 7:2

Sampanon ru gapu' no nangai' pangakan ra ngaangai' tutuu' ra tana'. Aku pana mindagu, “Iou Tuhan Raja', ampuno' noyo ulun Muno! Ati kulaan lair ilo tumaan? Ilo boborok kaga' am malawo!”

MIKA 7:9

Natulaan takau ra Tuhan. Ginio ra musiti' mansaan ra sangit Nano ra kalo mantilayun. Kaa' pupus nano sumaung Io ritakau am mangani' ritakau ra katimpakan. Magibit Io ritakau mingkual mongoi ra sinda, am makaliman takau ra pamayagan ru Tuhan.

IPISUS 1:12

Polosoo' noyo itakau ondo' intor ragili noyo nakalansan ri Kristus, mongompor ri Aki Kapuuno' ondo' kolondo' pogondo'!

IPISUS 1:6

Omporo' takau i Aki Kapuuno' sabap ra kataawan Nano ondo' kolondo' pogondo' am sabap ra taak Nano ritakau ralalom ru Anak ondo' tagamin Nano!

SAGULION 32:27

Kaa' kalo mokoloso Ku pantula' ra lumimbau, ra ilo noyo ondo' nangala ra ulun Kuno, atika Aku noyo manutuk ra ulun Kuno.’

JOSUA 7:9

Ulun ru Kanaan am ngaangai' ulun ra pagun ti mokorongog ra baal raginio. Inawangan nilo akai am namatoi ramon ngai'! Atan kia boo ondo' baalon Muno koson magalung ra kaurumatan Muno?”