JIRIMIA 14:22 - Tanou Moonsoi Timugon

²² Kolondo' dewa ru bansa'-bansa' makapamparatu' ra rasam; limbowon pana kalo makapamparatu' ra rasam. Iou Tuhan, i Aki Kapuuno' mai, Okou no rorondo' ayuk kalansanan mai, sabap ra Okou no ondo' nangkinibit ra ngaangai' no nasauk.

JIRIMIA 14:22 ပူးပေါင်းရင်းမြစ်များ

1 RAJA'-RAJA' 17:1

Sangulun nabi ondo' inggalan nano i Ilia intor ra Tisbi giu' ra Giliad mindagu ra Raja' Agab, “Ralalom inggalan ru Tuhan ondo' maayag, i Aki Kapuuno' ru Israil ondo' sambaan kuno, mambala' aku rirun ra buoi ru ruo kapoam talu ngambilor kolondo' bolobou kapoam rasam saboi ra aku mindagu ra mokoondo' ra rasam.”

1 RAJA'-RAJA' 17:14

sabap ra koon raginio ragu ru Tuhan, i Aki Kapuuno' ru Israil, ‘Tapung ralalom ru mangkuk no kalo makai' am umau ralalom ru butul no kalo maawai saboi ra paat Kuno, Tuhan, mampatuun ra rasam.’ ”

1 RAJA'-RAJA' 18:1

Kalo nabuoi raginio, paat ra bilor katalu ru tampio no, indagu Tuhan ri Ilia, “Ongoi no uma' ra Raja' Agab sabap ra mampatuun Aku ra rasam.”

1 RAJA'-RAJA' 8:36

gama' ru Okou giu' ra suruga', mangkirongog risilo. Ampuno' noyo tula ru raja' am mamagun nano, ulun ru Israil. Mopongo raginio, iou Tuhan, patuuno' noyo rasam ra pagun Muti, ondo' pinataak Mu ra ulun Muno koson ra longgom nilo ra sabuoi-buoi no.

AYUP 28:26

paat ri Aki Kapuuno' mangaru' ra intok ratuan ru rasam, am ralan ondo' sailan ru timpalak tingkalur;

AYUP 5:10

Rinasam No tana' am nanguas ra umo saboi maasa'.

MAZMUR 130:5

Magiginaa aku ra pangindanganan ru Tuhan, am malansan ra ragu Nano.

MAZMUR 135:7

Intor ra pompor ru tana' ti porotongon No gaun masait, pasaukon No timpalak mabaya' ra rasam, am niayuk susubon No angin mingkual intor ra namulian Nano.

MAZMUR 147:8

Pinabingkal No gaun ra limbowon; pinatuun No rasam ra tana' ti, am napatuu' ra sakot giu' ra bulur.

MAZMUR 25:21

Gama' ru kaansayan am kabanisan ru guang kuno mantamung raki', sabap ra mangintopot aku Rirun.

MAZMUR 25:3

Kalaan kalo malimanan ru ulun ondo' mangintopot Rirun, kaa' malimanan ru ulun ondo' mataki' manggal Rirun.

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 30:23

Bulintok ra akau mapatias ra sampug, Tuhan maparatu' ra rasam maa' raginio sampug no tumuu'. Manaak io ramuyun ra ampos masuang, am bibiag mino naatang noyo padang ru sakot ondo' malangka'.

JISAYA 41:29

Ngaangai' dewa no kolondo' onong, kolondo' atan-atan mabaal. Dewa-dewa no sinungkalalaing ayuk, lamuoi am kolondo' lulu'.”

JIRIMIA 10:12

Tuhan namangun ra tana' ti ra kuasa' Nano; am ra kuasa' Nano namingkal ra tana' ti am namilar ra limbowon.

JIRIMIA 10:13

Maya' ra susuban Nano timug giu' ra limbowon mokobolos; Magibit Io ra gaun intor ra pompor ru tana' ti. Mangkinibit Io ra ganit mainbilak ralalom ru rasam, am mangator ra angin intor ra intok pambulian.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 10:3

Ugama ru bansa'-bansa' raginio kolondo' toojo onong. Mantagar ulun ra sampuun tataun giu' ra kataunan; ukiron boo tataun no ru ulun manukang ra tataun ra kakamot pangukir,

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

JIRIMIA 5:12

Ulun ru Tuhan mindagu ra baal ondo' kalo motopot intor ra Tuhan. Konilo, “Kolondo' atan pana baalon Nano. Kalo malumpa' takau ra karaat; kalo boo makaili' takau ra pangayawan kapoam bitilan.”

JIRIMIA 5:24

Kalo igondo' min karaa' koson mangurumat Raki', alika Aku noyo nangator ra rasam bulintok raun matutu' am bulintok mambusak. Nangani' Aku niayuk ramuyun ra bulintok mangkumos ra moonong bilor.

JIRIMIA 51:16

Sumugut ra susuban Nano timug giu' ra limbowon makanginoos; namparatong Io ra gaun intor ra pompor ru tana' ti. Nangkinibit Io ra ganit mainpiat giu' ralalom ru rasam, am nangingkual ra angin intor ra intok nambulian.

GOSIA 2:7

Kalo mangiou io ra Aku ondo' nangani' riso ra gandum, wain, umau jaitun am ngaangai' mas am pirok ondo' pinakai koson sumamba ra Baal.

JOIL 2:23

“Pakaansuk kano, akau mamagun ru Sion, pakaansuk kano sabap ra atan ondo' binaal ru Tuhan, i Aki Kapuuno' min ramuyun; Nangani' Io ra rasam ondo' maukop bulintok raun tumutu', Namparatu' Io ra rasam bulintok ra masimu' am rasam bulintok ra mambusak koson ragili.

AMOS 4:7

Aku nongompong ra rasam rumatu' paat ra tatanom min musiti' maasa' ra timug. Paratuon Ku rasam giu' ra rondo' bandar kaa' kalo paratuon ra bandar ra bokon. Rondo' umo marasaman, kaa' umo ra bokon mapuaan.

MIKA 5:6

Ulun ru Israil ondo' lakat poyo maayag masauk koson ra bolobou masimu' intor ra Tuhan koson pataakon ra masuang bansa'; am koson rasam timinias ra tutuu'. Malansan ilo ri Aki Kapuuno' am sala' ka ulun.

MIKA 7:7

Kaa' maginaa aku ra Tuhan; malansan aku ri Aki Kapuuno' ondo' mamayag raki'. Mangkirongog i Aki Kapuuno' kuno ra pakiasian kuno.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

SAGULION 28:12

Tuhan mamparatu' ra rasam ra bulintok nano intor ra intok pambulian ra rasam giu' ra limbowon; mambarakat Io ra ngaangai' kandoi min maa' raginio makapapaira' kau ra masuang bansa', kaa' akau galama' kalo boo magira' ra atan pana intor ra osoi pana.

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.