JIRIMIA 14:20 - Tanou Moonsoi Timugon

²⁰ Iou Tuhan, ra Okou no ayuk akai makatula. Mangiou akai ra tula mai am tula ru kinamatuaan maili.

JIRIMIA 14:20 ပူးပေါင်းရင်းမြစ်များ

2 SAMUIL 12:13

Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

2 SAMUIL 24:10

Kaa' kalupus nanguntob ra ulun no, makaliman Raja' Daut ra makasala. Kono boo ra Tuhan, “Iou Tuhan, natulaan aku toojo! Ampuno' aku, sabap ra binaal kuno sasambungon kaga'.”

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

MAZMUR 32:5

Iowon ku boo tula kuno Rirun; kalo alion ku nasalaan ondo' binaal kuli. Nalantas noyo guang kuno koson mangiou ra tula kuli Rirun, am ampunon Mu ngaangai' nasalaan kuno.

JIRIMIA 14:7

Mompogolok ulun Kuno Raki', ‘Kabalu' pana tula mai mononsol ramon, iou Tuhan, indangano' akai sumugut ra bantu' Muno. Ruruli' akai no nangiruan Rirun; makatula akai Rirun.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:25

Ginio ra, polosoon akai mansaan ra uyu' am polosoon akai asasabin. Akai am kinamatuaan maili masalok makatula ra Tuhan, i Aki Kapuuno' mai; kalo igondo' akai gagaya' ra susuban Nano.”

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

SULABOI 1:20

“Iou Tuhan, ilai' kaimbalaan kuno am kinapagon ru guang kuno. Guang kuno natutuk sabap ra tula kuno ragili. Pampatayan masauk giu' ra ralan maayo, kaa' niayuk giu' ra ralalom ru baloi pana mokoondo' patayan.

SULABOI 3:42

“Iou Tuhan, makatula akai noyo am giminuor Rirun, am kalo poyo nangampun Kou ramon.

SULABOI 5:7

Kinamatuaan mai makatula, am raino kalio boo; kaa' akai musiti' maimbolo', sabap ra tula-tula nilo.

DANIL 9:15

“Nanulu' Kou ra kuasa' Muno bulintok ra Okou nagibit ra ulun Muno miningkual intor ra Misir, iou Tuhan, i Aki Kapuuno' mai. Lakat mai poyo makara' kuasa' Muno. Makatula akai noyo am nambaal ra kasalaan.

AMOS 7:2

Sampanon ru gapu' no nangai' pangakan ra ngaangai' tutuu' ra tana'. Aku pana mindagu, “Iou Tuhan Raja', ampuno' noyo ulun Muno! Ati kulaan lair ilo tumaan? Ilo boborok kaga' am malawo!”