JIRIMIA 14:19 - Tanou Moonsoi Timugon

¹⁹ Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 14:19 ပူးပေါင်းရင်းမြစ်များ

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

AYUP 30:26

Malansan aku ra kaansukan am sinda, kaa' kapaganan am kalandaman ondo' matong.

MAZMUR 78:59

Siminangit toojo i Aki Kapuuno' bulintok nakakito ra babaal raginio, am inggalari' No lingono' ngaangai' ulun Nano.

MAZMUR 89:38

Karajaan nano mantilayun koson ra bulan, sasi' ra mampagagaya' giu' ra limbowon.”

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 12:8

Ulun pinili' Kuno minanggal Raki'; koson ra singa' giu' ra gimbaan koon raginio noyo ra ilo sumingangal Raki'. Ginio sabap ra masisang Aku risilo.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 15:18

Kua marayus aku ayuk maimbolo'? Kua ra pilat kutu malandom am kalo mapali'-pali'? Kuayan Muno mapasinduol kia raki' koson ra sungoi ondo' lumasak bulintok malasu'?”

JIRIMIA 30:12

Indagu Tuhan ra ulun Nano, “Pilat min masaran toojo, pilat min ra kolondo' tatapis no.

JIRIMIA 30:13

Kolondo' sangulun pana masaga' mamabas ramuyun, kolondo' tatapis ru talipos min, kolondo' kalansanan min ra mapali'.

JIRIMIA 51:5

Aku Tuhan, i Aki Kapuuno' Ondo' Maayo Kaga' Kuasa', kalo poyo nangiruan ra Israil am Jiuda, kabalu' pana makatula ilo noyo Raki', Ondo' Matulai Kaga', i Aki Kapuuno' ru Israil.

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JIRIMIA 8:15

Banangan ayuk itakau malansan ra pabansayan am paat ra pamabasan, sabap ondo' matong kalaanan ayuk.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

SULABOI 2:22

Piniau Mu pantula' kuno mambaal ra bunsag ru kalaatan ra libung kuno; kolondo' sangulun pana makapamayag ra inan paat ra orou Okou sumangit. Pinatoi nilo anak-anak kuno ondo' inalungan am tinagaman kuno.

SULABOI 4:17

Mato mai maagui magilong, mangkuliman ra pangindanganan ondo' kalo rumatong. Malansan akai ra indangan intor ra bansa' ondo' sotopot no kalo makapangani' ra atan-atan.

SULABOI 5:22

Lingonon Mu kia patiri' akai? Kolondo' kia polos ru sangit Muno ramon?

MIKA 1:12

Mamagun ru Marot malaa' paat maginaa ra ulun mongoi pangindangan, sabap karaat ondo' pinaratong ru Tuhan mamaar noyo ra Jirusalim.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.