JIRIMIA 13:21 - Tanou Moonsoi Timugon

²¹ Atan kia raguon min paat ra ulun ondo' karaan min koson ra rangan, nampaala am niayuk nanguasa' ramuyun? Maaru' makaliman kau ra maruol koson ra ruandu' maganak.

JIRIMIA 13:21 ပူးပေါင်းရင်းမြစ်များ

2 RAJA'-RAJA' 16:7

Nanusub Raja' Agas ra kukula' ngaulun mongoi ra Raja' Pul, intor ra Asyur, am ra bilin ragitio, “Gagayaan tokou. Ginio ra ratong no koson mamayag raki' intor ra raja'-raja' ru pagun Siria am Israil ondo' tatanga' mamulunsar raki' raino.”

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 13:8

Mangalaa' ilo am marualan koson ra ruandu' maganak, mototontong ilo ra guang malaa', am bulos nilono malia' sabap mauyu'.

JISAYA 21:3

Atan ondo' nakito kuno am norongog ralalom pinaintalang raki' makalalaa' am makaruol toojo; karualan raginio koson ra ruandu' maganak.

JIRIMIA 2:25

Alii ra Israil, pai' ilowo' dewa-dewa, mapilatan kou ra kalayam, mapuaan tantalanan muno. Kaa' mindagu kou, ‘Kalo, kalo makasaguli' aku. Motogom aku ra dewa-dewa am masaga' aku maya' risilo.’ ”

JIRIMIA 22:23

Mayan kau ra kaansayan sabap ra liniputan ru lugu'-lugu' sidar ru Libanon, kaa' paat ra akau marualan, maimbolo' kau koson ra ruandu' ondo' maganak.”

JIRIMIA 30:6

Kinami' karaa' am imumuyi'! Makapaganak kia ungkuyon ra lalagang? Amon ru kalo, kua kakito Ku moonong ungkuyon mangabula' bulos am mampaguut ra tinai' nilo ra kalindu' koson ra ruandu' ondo' maganak?

JIRIMIA 38:22

Ralalom ru pinaintalang no nakakito aku ra ngaangai' ruandu' ondo' lakat poyo soroi giu' ra istana ru Jiuda inibit minuma' ra pagawai-pagawai ru raja' ru Babilonia. Liliwa' mugar ruandu'-ruandu' no mindagu, ‘Raja' rinuung ru rangan-rangan nano, nanguasa' ilo riso. Raino paat ra kalayam ru raja' nakatapung noyo ra losok, nangiruan rangan-rangan nano riso.’ ”

JIRIMIA 4:30

Alii ra Jirusalim, malumpa' kou ru karaat! Kua pambayang kou ra malia'? Kua palimpor kou ra mas kapoam pirok, am niayuk manait ra mato? Banangan mu ayuk mampapakai! Ngaangai' ru kubayau muno ra galing i magasab rirun am niayuk masaga' ilo mamatoi rirun.

JIRIMIA 4:31

Morongog ku bolos mampalaa koson ra ruandu' maganak; koson ra golok ru ruandu' ondo' naganak ra anak kasaa'. Koon raginio noyo tangi' ru Jirusalim ondo' inso-inso, am niayuk mapatunui ra kalindu' am mindagu, “Aibui boo raki'! Matong ilo mamatoi raki'!”

JIRIMIA 48:41

Bandar-bandar am kubu-kubu gaawon. Paat orou raginio saujor-saujor ru Moab mangalaa' koson ra ruandu' tatanga' maganak.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 6:24

Indagu mamagun ru Jirusalim, “Nokorongog akai noyo ra tanou no am malawo boo guang mai. Malaa' akai am marualan koson ra ruandu' ondo' maganak.

YEHEZKIEL 28:9

Paat raginio, lakat kou kia poyo mindagu ra dewa kou? Paat ra okou muma' ra ulun mamatoi rirun, makito ra ulun kou ayuk ondo' mapandai matoi am sala' ka dewa.

MATIUS 24:8

Ngaangai' ragitio matong koson ra maruol ra maganak.

1 TISALONIKA 5:3

Paat ra ulun mindagu ra, “Raino nampalinos noyo ngaangai' am mokoondo' noyo pabansayan,” paat raginio niayuk pulali' kon ilo pusoon. Pulali' kon Io matong koson ra ruol ru ruandu' matipaganak, am kalo makapagiru' ilo.