JIRIMIA 13:17 - Tanou Moonsoi Timugon

¹⁷ Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 13:17 ပူးပေါင်းရင်းမြစ်များ

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 80:1

Ra tingganai ru santimungan maririmbai. Sumugut ra rimbai: Bunga' Bakung. Mazmur kaintutunan ri Asap.

JISAYA 63:11

Kaa' ilo pana nakakara' bulintok ra galing i, ioginio paat ri Musa, ulipon ru Tuhan. Ilo pana nangkuot, “Ati kia Tuhan, ondo' nangaak ra ulun am tingganai-tingganai nilono maya' ra raat? Ati kia Tuhan ondo' nanaak ra kuasa' Nano risilo?

JIRIMIA 14:17

Nanusub Tuhan raki' mambala' ra kangilukan kuno ra ulun Nano. Musiti' ku raguon koson ragitio, “Polosoon aku mantangi' ra kalo tumulou, orou am rondom lomou tumulisan, sabap ra bansa' kuno napilatan toojo am naimbolo' kaga'.

JIRIMIA 15:17

Kalo maya' aku ra ulun ondo' mantitimung ra magaganja' ayuk. Ginio sabap ra gumagaya' Aku rirun, siminuai aku am natikop ra sangit.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 22:5

Kaa' amon ru kalo gumagaya' kau ra susuban Kuno, magibot Aku ra istana ti masauk ra mapuut. Aku, Tuhan nakaindagu noyo.

JIRIMIA 23:1

Mapara' boo makalalaa' ukuman ru Tuhan risilo panguasa' ondo' namuso am nampatutuliar ra ulun Nano!

JIRIMIA 23:2

Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 1:2

Nosorondom io nantangi', lomou nano tumilisan ra pingas. Kolondo' sangulun pana intor ra rangan nano masaga' mapabansuk riso. Ngaangai' rangan nano liminaat am nantula' riso.

SULABOI 1:9

Jamol nano nakito kaga' kaa' kalo lioon no. Nalunsayan nano makalalaa', kolondo' osoi pana makabansuk ra guang nano. Pantula' nano namanang am nantangi' io makimasi' intor ra Tuhan.

SULABOI 2:18

Okou Jirusalim, polosoon timbok muno gumolok ra Tuhan! Polosoon lomou muno tumilisan koson ra sungoi tumilis ra orou am rondom. Rayus no pantangi' am pangiluk saboi kou maagui.

SULABOI 3:48

Lomou kuno tumilis koson ra sungoi sabap ra bansa' kuno natutuk noyo.

YEHEZKIEL 24:16

“Okou ulun mapandai matoi, pulali' Ku mangalap ra ulun ondo' tagamin muno kaga', kaa' kalo makapanulaboi kou, kapoam mantangi', kapoam mompoloso ra lomou muno rumatu'.

YEHEZKIEL 34:31

Totopot akau no sampanon ru domba ondo' pinakan Kuno. Akau noyo ulun Kuno am Aku noyo i Aki Kapuuno' min.” Ginio noyo ragu ru Tuhan Raja'.

YEHEZKIEL 36:38

Bandar-bandar ondo' raino napuut mososok ra ulun, koson ragili Jirusalim nososok ra domba ondo' pataakon paat ra orou pangiantakan. Bagu no makapandai ilo ra Aku noyo Tuhan.”

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

MALIAKI 2:2

Musiti' kau mangurumat Raki' ra binaal min. Amon ru marara' kau rumongog ra ragu Kuno, ulason Takamin. Ulason Ku ngaangai' ondo' apuon min koson ra barakat. Sotopot no, inulas Ku noyo ngaangai' no sabap ra kalo lioon min susuban Kuno.

1 SAMUIL 15:11

“Pansagulian aku nampili' ri Saul nasauk ra raja'. Tinalikuran no Aku am kalo boo gumagaya' ra susuban Kuno.” Siminangit i Samuil, am nosorondom io nakimasi' ra Tuhan.

1 SAMUIL 15:35

Polos ra pupus ru bayag nano, kalo boo igondo' i Samuil timinuum ra Raja' Saul, kaa' nangiluk guang ri Samuil sabap ra pansagulian Tuhan nampili' ra Raja' Saul nasauk ra raja' ru Israil.