JIRIMIA 12:6 - Tanou Moonsoi Timugon

⁶ Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JIRIMIA 12:6 ပူးပေါင်းရင်းမြစ်များ

AYUP 6:15

Kaa' akau, rangan ku ngai', kalo maintopot, koson ra sungoi boborok ondo' mapua' paat kolondo' rasam.

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 12:3

Ngaangai' ulun magabau ra rondo' am bokon, am mamparuung am mantaligamis ra rondo' am bokon.

MAZMUR 69:8

Sabap ra Okou noyo, nangkinibit raki' inasaban, am nauyu' aku toojo.

AMSAL 23:8

Malua' atan tinolon mini, am ngaangai' ragu maamis kolondo' noyo onong.

AMSAL 26:25

Kabalu' pana io masamba, pai' pangintopot riso, sabap ra guang nano napanu' ra kasisangan.

JISAYA 31:4

Tuhan mindagu raki', “Kabalu' pana nasuangan magagalung gumolok, kalo maanjung nilo singa' intor ra bibiag ondo' pinatoi nano. Ginio niayuk kolondo' mokopongompong Raki' Tuhan Ondo' Maayo Kaga' Kuasa', ka manindung ra Bulur Sion.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 11:21

Mamagun ru Anatot mompogogot ra aku matoi. Konilo, “Amon ru rayuson mu mampatanou ra tanou ru Tuhan, potoyon mai okou.”

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 9:2

Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:3

Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

JIRIMIA 9:4

Moonong ulun musiti' pagilalain rangan nano; pongkotob pana kalo maintopot. Koson ilo ri Jakub ondo' namparuung ra pabukat nano, am moonong ulun manimbaal ra ragu ra rangan nano.

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

MATIUS 10:21

“Mokoondo' ulun mampataak ra pinongkotob nano galama' koson ra potoyon, am ama' pana mambaal niayuk koson raginio ra anak nano. Mokoondo' anak manggal ra matuo nano saboi pataakon nilo ra potoyon.

MARKUS 12:12

Tingganai ru ulun ru Jaudi no mirot mamparakop ri Jisus, sabap ra napandayan nilo ra ilo inabigan ri Jisus. Kaa' malaa' ilo ra ulun masuang no, am iruani' nilo boo i Jisus.

JUANIS 7:5

Pabukat Nano galama' pana kalo nangintopot Riso.)

RINALATAN 16:22

Ulun masuang pana minongoi pampalamba' ri Paulus am i Silas. Susubo' ru tingganai koson mamparilak ra bayang ru ruo ngaulun ti am palapasin nilo poyo.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.