JIRIMIA 12:4 - Tanou Moonsoi Timugon

⁴ Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 12:4 ပူးပေါင်းရင်းမြစ်များ

MAZMUR 107:34

Sinauk No tana' ra malabung no ra limayak mapua', kinibit ru kalaatan ru ulun ondo' namagun ra giu' no.

MAZMUR 50:21

Ginio noyo baalon mino, kaa' mongkoror Aku ayuk, pangkaraan min koson Aku niayuk ramuyun. Kaa' raino mansiwou Aku ramuyun, am saukon Ku baal raginio maalap min intopoto'.

JISAYA 24:4

Tana' ti mapua' am lumonot; titikop ru tana' ti masauk malawo; limbowon am tana' ti maaru' maimbolo'.

JISAYA 24:6

Ginio ri Aki Kapuuno' nagulas ra tana' ti. Ulun makaapu ra balos intor ra binaal nilo, am ulun maayag buoi-buoi no kalo boo kukula'.

JIRIMIA 12:11

Sinauk nilo ginio ra tana' ondo' kolondo' tutuu'; nokoloso ra saang Kuno. Titikop pagun nasauk ra tana' kaagisan, am kolondo' osoi pana mampalio raginio.

JIRIMIA 14:2

“Mangiluk guang ru Jiuda; mamagun ru bandar nano mamaar matoi. Liminuya' ilo ra tana' am mampalaa; gumolok Jirusalim makiindangan.

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 4:25

Kolondo' nakito ku ra ulun; susuit pana ngaangai' nansiab.

JIRIMIA 4:28

Tana' ti mangulir; limbowon pana lumondom. Nakaindagu noyo Tuhan kalo kulawon inatangan. Namatas Io noyo am kalo kulawon guang.

JIRIMIA 5:13

Minindagu ilo ra nabi-nabi no magabau ayuk sabap ra kolondo' ilo ra tanou intor ra Tuhan. Tuhan i Aki Kapuuno' Ondo' Maayo Kaga' Kuasa' minindagu raki', “Okou Jirimia, sabap ra ngaangai' ru ulun ti minindagu koon raginio, saukon Ku ragu Kuno koson ra apui giu' ralalom kabang muno. Bansa' ragitio masauk koson ra tataun, am apui no monolob risilo.”

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:9

Kalo kia musiti' Aku mangukum risilo sabap ra binaal nilo? Kalo kia musiti' Aku mansuli' ra bansa' koson raginio? Aku, Tuhan, nakaindagu noyo.”

GOSIA 4:3

Ginio ra tana' nilo masauk mapua' am ngaangai' ondo' maayag ra rasawat no matoi. Ngaangai' bibiag am susuit, am papait pana matoi.”

JOIL 1:18

Bibiag tinambiag mampagala' am magalabo, sabap kolondo' boo padang sakot risilo ngaangai'; sampanon ru domba pana maimbolo'.

AMOS 1:2

Gitio noyo ondo' rinagu ri Amos, “Tuhan nansangal intor ra Bulur Sion, bolos Nano nonggolon intor ra Jirusalim. Padang ru sakot nasauk ra mapua', sakot giu' ra Gunung Karmil nasauk ra mapua'.”

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

JAKARIA 1:12

Indagu boo malaikat no, “Iou Tuhan Ondo' Maayo Kaga' Kuasa', siminangit Kou ra Jirusalim am bandar-bandar giu' ra Jiuda buoi tulu' ngoopor ngambilor. Saboi sanggilan kia Okou magulayun sumangit am kalo mangampun risilo?”

ROMA 8:22

Sabap ra mapandayan takau noyo saboi raino ngaangai' ondo' pinasauk ri Aki Kapuuno' maguros am malimanan ra maruol koson sangulun ruandu' paat io matipaganak.