JIRIMIA 12:3 - Tanou Moonsoi Timugon

³ Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JIRIMIA 12:3 ပူးပေါင်းရင်းမြစ်များ

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

AYUP 23:10

Kaa' nakapandai i Aki Kapuuno' ra moonong tumpang kuno; amon ru kinamin aku, mainono' kinapasau ru guang kuno.

MAZMUR 11:5

Mangkinam Io ra ulun moonsoi am niayuk ulun malaat; masisang Io kaga' ra ulun ondo' monogom ra kalaatan.

MAZMUR 139:23

Urioo' aku no, iou Aki Kapuuno', am kangkamo' noyo guang kuno; pangkinaman no raki' am kapandayi' pangkaraan kuno.

MAZMUR 17:3

Mauligan Mu suang ru guang kutu. Bulintok ra Okou rumatong raki' paat molondom, am mangurio Kou toojo raki', kaa' kolondo' guangon malaat maimansaan Mu ra guang kutu.

MAZMUR 26:1

Mazmur ri Daut. Anii' aku ra katimpakan, iou Tuhan, sabap ra nambaal aku ra motopot, am mangintopot aku toojo Rirun ralalom ru guang kuno.

MAZMUR 7:9

Okou noyo ondo' mangukum ra ngaangai' ulun. Anii' aku no ra katimpakan, iou Tuhan, sabap ra kolondo' sala kuno.

JIRIMIA 15:15

Indagu aku boo raiti, “Iou Tuhan, makarati' Kou ra ngaangai' no. Karaa' aku am indangano' aku. Balasi' ilo ondo' nangimbolo' raki'. Pai' noyo pokoorot risilo saboi makasugut ilo mamatoi raki'. Karaa' noyo ra aku inasaban sabap Okou.

JIRIMIA 17:16

Kaa' iou Tuhan, kalo igondo' aku nampajajal Rirun koson mamparatong ra karaat risilo. Aku kalo niayuk nompogogot ra kapaganan lumampa' risilo. Nakapandai Kou ra baal raginio, iou Tuhan. Nakapandai Kou ra atan ondo' raguon kuno.

JIRIMIA 17:18

Gama' ru manuyu' Kou ra ulun ondo' mangimbolo' raki', sindungi' aku no, iou Tuhan. Tikopo' ilo ra kalaanan, kaa' pai' aku no ilaano'. Porotongo' karaat risilo saboi ilo matutuk.

JIRIMIA 20:12

Kaa', iou Tuhan Ondo' Maayo Kaga' Kuasa', mabaya' ra matimpok mangkinam Kou ra ulun; nakapandai Kou ra suang ru guang am pangkaraan nilo. Ginio ra iowo' noyo aku magilong Rirun mambalos ra kalaatan ru pantula' kuno, sabap ra pataakon ku baal kuno Rirun.

JIRIMIA 48:15

Moab am bandar-bandar nano pinuso noyo; ulun mamulok no ondo' moonsoi kaga' pinatoi. Aku noyo raja', Tuhan Ondo' Maayo Kaga' Kuasa', am Aku nakaindagu noyo.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 51:4

Mangapilatan ilo am matoi giu' ra ralan-ralan ru bandar nilo.

JUANIS 21:17

Kaintalu ri Jisus nangkuot riso, “Simon anak ri Juanis, motogom kou kia Raki'?” Mangiluk guang ri Pitrus sabap ra nangkuot i Jisus riso saboi intalu ra, “Motogom kou kia Raki'?” Indagu io Riso, “Tuhan, nakapandai Kou ra ngaangai'. Okou noyo nakapandai ra motogom aku Rirun.” Indagu i Jisus riso, “Alungi' noyo domba-domba Kuno.

JAKUBUS 5:5

Kaayagan min ra tana' ti liminangkaya' am nabubunsag kau ayuk, am lumomok kau ayuk maginaa ra orou panimbaluyan, ioginio Orou Pangukuman.

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.