JIRIMIA 12:15 - Tanou Moonsoi Timugon

¹⁵ Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 12:15 ပူးပေါင်းရင်းမြစ်များ

JIRIMIA 16:15

Kaa' magibot ilo ralalom ru inggalan Kuno, i Aki Kapuuno' ondo' maayag, ondo' nagibit ra ulun ru Israil miningkual intor ra rondo' pagun giu' ra ralayo am intor ra ngaangai' pagun ra bokon, intok Kuno nampatutuliar risilo. Ibiton Ku ilo sumaguli' ra tana' namagunan nilo, pagun ondo' tinaakan Kuno ra kinamatuaan nilo. Aku, Tuhan nakaindagu noyo.”

JIRIMIA 24:6

Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 29:14

Sotopot no, matuum min Aku. Pasagulion Takamin ra tana' min. Timungon Takamin intor ra moonong pagun am intor ra moonong intok nampatutuliaran Kuno ramuyun. Ibiton Takamin muli' ra pagun min galama'. Aku, Tuhan nakaindagu noyo.’

JIRIMIA 3:12

Nanusub Tuhan raki' mongoi pampasaboi ra baal ragitio ri Israil, “Israil ondo' kalo gumagaya', saguli' no Raki'. Makaasi' Aku kaga' am kalo sumangit; kalo sumangit Aku rirun ra sabuoi-buoi no.

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

JIRIMIA 49:6

Kaa' paat ra orou tauli no, saukon Ku Amon ra langkaya' saguli'. Aku, Tuhan nakaindagu noyo.”

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

AMOS 9:14

Ibiton Ku ulun Kuno Israil sumaguli' ra pagun nilo. Baalon nilo saguli' bandar-bandar ondo' nasauk noyo ra natuyas, mayan ilo ra giu' no. Mantanom ilo ra puun ru anggur am manginum ra wain. Mantanom ilo am mangakan ra ampos ru tinanom.

UNTABAN 32:18

Kalo muli' akai ra baloi ra kalo poyo ngaangai' ulun ru Israil makatana' koson ra tungkuson.

RINALATAN 15:16

‘Tauli no am matong Aku po saguli', kon ru Tuhan, Tirongon Ku saguli' baloi ri Daut ra nalunsai i, am toojoon Ku ondo' naaba' i. Pabigoron Ku ginio saguli',

SAGULION 3:20

Pangindangan noyo ra gino ngai' ulun ru Israil saboi mayan ilo ra tana' ondo' tinaakan ru Tuhan risilo giu' ra tampilon kalasaan ru Sungoi Jordan, am saboi mangiou Tuhan risilo mayan ra giu' ra mamimio, koson ra ondo' binaal Nano ramuyun. Mopongo ginio bagu no iowon kau muli' ra tana' ondo' tinaakan kuno ramuyun.’

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.