JIRIMIA 12:14 - Tanou Moonsoi Timugon

¹⁴ Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 12:14 ပူးပေါင်းရင်းမြစ်များ

MAZMUR 105:15

Minindagu Io, “Pai' min usigo' ulun-ulun ondo' pinili' Kuno; pai' min jamari' nabi-nabi Kuno!”

MAZMUR 106:47

Bayago' akai no, iou Tuhan, i Aki Kapuuno' mai, am ibito' akai no muli' intor ra bansa'-bansa', maa' raginio maringkuanang akai, am mongompor ra inggalan Muno ondo' matulai.

JIRIMIA 2:3

Mamagun kau ru Israil, akau longgom Kuno galama', akau longgom Kuno ondo' tinagaman. Mamparatong Aku ra kapaganan am karaat ra ngaangai' ulun ondo' mampajamar ramuyun. Aku, Tuhan nakaindagu noyo.”

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 3:18

Magamung Israil am Jiuda, mabaya' boo matong intor ra pagun namatiran giu' ra tampilon ralayo. Sumaguli' ilo ra pagun ondo' tinaakan Kuno koson ra tana' tungkuson ra kinamatuaan min.”

JIRIMIA 32:37

Timungon Ku bansa' ragitio intor ra ngaangai' pagun intok nampatuliaran Kuno risilo sabap ra sangit am lasu' ru guang Kuno risilo. Ibiton Ku ilo sumaguli' ra intok ragitio am paayanon ilo ra giti ra mamimio.

JIRIMIA 48:1

Koon raginio noyo ragu ru Tuhan intor ra pagun Moab, “Pakaasi' no ra mamagun ru Nibo – napuso noyo bandar nilo! Ginaau noyo bandar Kiryataim, linunsai noyo kubu nano ra maikang, am mamagun nano tinauyu';

JIRIMIA 48:47

Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

JIRIMIA 49:7

Koon raginio noyo ragu ru Tuhan intor ra pagun ru Idom, “Kalio boo kia kinapintar ru mamagun ru Idom? Kalo kia boo makapambilin tingganai-tingganai risilo? Kalio noyo kia kapintaran nilai?

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

YEHEZKIEL 28:26

Mayan ilo ra giu' ra moonsoi. Manambaloi ilo am manangumo ra anggur. Ukumin Ku ngaangai' pasambalayan nilo ondo' igondo' nagasab risilo, am Israil maayag ra moonsoi. Makapandai ilo boo ra Aku noyo Tuhan, i Aki Kapuuno' nilo.”

YEHEZKIEL 36:24

Timungon Takamin intor ra moonong pagun am intor ra moonong bansa' am magibit ramuyun muli' ra pagun min galama'.

YEHEZKIEL 36:5

“Ralalom ru simbuluk ru sangit Kuno, Tuhan Raja' nagulas ra bansa'-bansa' paginggaar no, mulu' poyo ra Idom. Pinabaya' ra maansayan am paliso magasab, ginaau nilo pagun Kuno am padang sakot no.

YEHEZKIEL 37:21

Pambala' boo risilo ra Aku, Tuhan Raja' manimung ra ngaangai' ulun Kuno intor ra pagun-pagun intok inangayan nilo. Ibiton Ku ilo muli' ra pagun nilo galama'.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

JAKARIA 1:15

Kaa' siminangit Aku kaga' ra bansa'-bansa' ondo' makaliman ra moonsoi am mamimio. Paat ra Aku nongorot ra sangit Kuno ra ulun Kuno, bansa'-bansa' no namparuang ra kaimbalaan ru ulun Kuno.

JAKARIA 2:8

Osoi ayuk ondo' mamulunsar ramuyun, mamulunsar ra katagaman ru guang Kuno.” Ginio ra Tuhan Ondo' Maayo Kaga' Kuasa' nanusub raki' mampasaboi ra tanou ti ra bansa'-bansa' ondo' nantakou ra ulun Nano,

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

SAGULION 30:3

am Tuhan i Aki Kapuuno' min pana makaasi' ramuyun. Magibit Io ramuyun sumaguli' intor ra pagun-pagun intok Io nampatutuliar ramuyun, am napasauk ramuyun ra langkaya' saguli'.