JIRIMIA 12:13 - Tanou Moonsoi Timugon

¹³ Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 12:13 ပူးပေါင်းရင်းမြစ်များ

MAZMUR 78:62

Sumangit Io ra ulun Nano galama', am polosoon No ilo potoyon ru pantula' nilono.

JISAYA 55:2

Atan pakuan manimpulus ra ruit amon kolondo' pakuan, am atan pakuan mangandoi amon kalo makaasug Gagayaa' noyo panusuban Kutu, am mangakan kau ra moonsoi, am makaakan ra pasulungon ra mangaamis.

JIRIMIA 17:10

Aku, Tuhan, mangimumui ra guang; pangkaraan ru ulun kinamin Ku. Pamakuan Ku ra moonong ulun sumugut ra paliso nano, am pamakuan Kuno nontopot ra binaal nano.”

JIRIMIA 4:26

Tana' malabung nasauk noyo ra tana' kaagisan; bandar-bandar nangapuut, sabap ra siminangit kaga' Tuhan. (

JIRIMIA 9:5

Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

GOSIA 8:7

Paat ra ulun Kuno mampatias ra angin, mangkumos ilo ra bagiu'. Umo ru gandum ondo' kalo sumilou kolondo' ampos ru akanon. Kaa' amon ru umo no sumilou niayuk, ulun bansa' ra bokon mangai' ra gandum nano.

IMAMAT 26:16

ukumin Ku akau. Porotongon Ku ramuyun baal makalalaa' – maruol ondo' kalo maalap kababas am salom, saboi moolou kau am maimbolo'. Magitanom kau kaa' papalo ayuk, sabap ra kalaan kau ru pantula' mino am mangakan ra ampos ru tinanom mino.

IMAMAT 26:20

Ngaangai' pirot mino kolondo' onong, sabap ra tana' kalo manangampos am puun-puun kinawa' kalo mangkawa'.

MIKA 6:15

Mantanom kou ra gandum, kaa' kalo makumos min. Mambaal kau ra umau intor ra kawa' ru jaitun, kaa' kalo mapakai min umau no. Mambaal kau ra wain, kaa' kalo mainum min ginio.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

AGAI 1:6

Masuang pinatias min ra sampug, kaa' nangkumos kau ra kalo kukula'. Makaakanon kau, kaa' kalo maukop koson mampabasug ramuyun. Makaruu' ru anggur kau kaa' kalo majala', makabayang kau kaa' kalo maukop koson mampalasu' ra inan. Gaji' ondo' inapu ru ulun mangandoi kalo maukop koson ra pakuan ru kaayagan nilo.

AGAI 1:9

Malansan kau ra masuang kumoson, kaa' ondo' naalap min totopot kalo kukula'. Paat ra akau magibit muli' kinumos no, sampuyon Ku ginio saboi makai' siabin ru angin. Kua baalo' Ku ginio? Baalon Ku ginio sabap ra Baloi Kuno lakat poyo nalunsai, kaa' akau ngaangai' bambal ayuk mambaal ra baloi ru sigagama'.

ROMA 6:21

Ragili kolondo' onong no ra akau nampaugar ra baal-baal ondo' raino mampakauyu' ramuyun. Baal-baal raginio mangkinibit ra kapatayan.

SAGULION 28:38

“Mantanom kau ra masuang sampug, kaa' sanganu ayuk kumoson sabap ra akanon ru gapu' ampos ru tatanom min.