JIRIMIA 11:9 - Tanou Moonsoi Timugon

⁹ Tuhan pana mindagu boo raki', “Mamagun ru Jiuda am Jirusalim naguguum koson manggal Raki'.

JIRIMIA 11:9 ပူးပေါင်းရင်းမြစ်များ

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

JUANIS 11:53

Intor orou ragili niayuk tingganai ru ulun ru Jaudi nampapakat mamatoi ri Jisus.

MATIUS 26:15

“Atan panganian min raki' amon ru pataakin ku i Jisus ramuyun?” Panguntob ilo talu ngoopor ruit pirok am taaki' ri Judas.

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

JIRIMIA 8:10

Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

JIRIMIA 6:13

Ngaangai' ulun ondo' maayo am niayuk ondo' boborok, magingkaut am kalo mabanis guang. Atan poyo ra nabi am imam pana mamparuung ra ulun.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”