JIRIMIA 11:7 - Tanou Moonsoi Timugon

⁷ Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 11:7 ပူးပေါင်းရင်းမြစ်များ

2 RAJA'-RAJA' 17:13

Nanusub Tuhan ra kukula' ngaulun am nabi Nano koson mampakara' toojo ra Israil am Jiuda. Ragu ru Tuhan, “Longgo' kano mambaal ra malaat am gagayaa' min susuban Kuno ondo' nakasimpung ralalom ru Ukum ondo' tinaakan Kuno ra kinamatuaan mini am niayuk akau ondo' pinabala' galing ra nabi-nabi, ulipon-ulipon Kuno.”

2 TUNUNG RU BANSA' ISRAIL 36:15

Buoi ru ginio Tuhan, i Aki Kapuuno' ru kinamatuaan nilo, nararayus nanusub ra nabi koson mampakara' ra ulun Nano, sabap ra masaga' Io mamayag risilo am Baloi ru Tuhan.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 25:3

“Buoi ruo ngoopor am talu ngambilor, intor ra bilor koopor am talu ru Raja' Josia anak ungkuyon ru Raja' Amon namarinta giu' ra Jiuda saboi ra orou raiti', minindagu Tuhan raki' am kalo igondo' aku pakalilian mampasaboi ra atan ondo' rinagu Nano ramuyun. Kaa' akau kalo igondo' nampalio raginio.

JIRIMIA 25:4

Rinayus ayuk ru Tuhan nanusub ra nabi-nabi, iono ulipon-ulipon Nano minongoi ramuyun, kaa' marara' kau mangkirongog am mampalio risilo.

JIRIMIA 31:32

Nabantuan no sala' ka koson ra nabantuan ondo' binaal Kuno ra kinamatuaan nilai paat ra Aku nagibit risilo miningkual intor ra Misir. Kabalu' pana koson Aku ti ra sangulun ralaki risilo, kaa' inanggal nilo nabantuan Kuno risilo.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 34:14

moonong tulu' ngambilor musiti' nilo palabuson osoi ayuk ulun ru Ibrani ondo' nasauk ra ulipon nilo buoi onom ngambilor. Kaa' kinamatuaan nilo kalo nampalio kapoam riminongog ra ragu Kuno.

JIRIMIA 35:14

Papag ri Jonadab giminagaya' ra susuban ri Jonadab maa' raginio kalo manginum ra wain. Saboi ra orou raiti' kolondo' sangulun pana risilo nanginum ra wain. Kabalu' pana rinayus Ku minindagu ramuyun, kaa' kalo ginagaya' min Aku.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 7:13

Binaal min ngaangai' tula no; inda' pana ra ruruli' Aku minindagu ramuyun, kaa' marara' kau rumongog. Marara' kau tumaam paat ra Aku mampiau ramuyun.

GOSIA 4:1

Mokoondo' Tuhan ra panguwan ra ulun ondo' minayan ra pagun ti. Okou Israil, rongogo' noyo ragu ru Tuhan. Gitio noyo panguwan Nano: “Pagun ti kalo makaulig ra arati' ru gagaya' kapoam togom. Mamagun nano kalo mangiou ra Aku ti i Aki Kapuuno'.

GOSIA 5:1

Imam kau ngaangai', rongog kano! Akau ulun ru Israil, ilai' toojo! Akau pabukat ru raja', rongog kano! Akau noyo ondo' musiti' mangakim ra matimpok, kaa' akau galama' akimin! Nasauk kano koson ra landak giu' ra Mijpa, koson ra jajaling ondo' pinaatang giu' ra Gunung Tabor,

JAKARIA 1:4

Pai' kano koson ra kinamatuaan min. Ra galing i, nabi-nabi nampasaboi ra tanou Kuno risilo maa' raginio lumonggo' mambaal ra malaat am mambaal ra tula. Kaa' marara' ilo rumongog Raki' am marara' gumagaya' Raki'.

IPISUS 4:17

Sabap boo raginio, ralalom ru kuasa' ru Tuhan, balain takamin toojo koson ragitio: Pai' kano kaayag koson ra ulun ondo' kalo makaulig ri Aki Kapuuno', sabap ra ilo makapangkaraan ayuk ra atan ondo' kolondo' onong.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 6:2

Buoi ru bayag, musiti' akau am papag min mangurumat ra Tuhan i Aki Kapuuno' min am gumagaya' ra ngaangai' ukum Nano ondo' taakin kuno ramuyun, maa' raginio maawar painawo min giu' ra tana' raginio.

SAGULION 8:6

Ginio ra gagayaa' noyo susuban ru Tuhan; kaayag noyo sumugut ra ukum Nano am gagayaa' noyo Io.

2 TISALONIKA 3:12

Ralalom inggalan ri Tuhan Jisus Kristus, manusub am mapakara' akai ra ulun koson risilo ra musiti' ilo tumanda' am mangandoi maguyum ra paginakanan galama'.

1 SAMUIL 8:9

Ginio ra suguto' noyo kitaakon nilono; kaa' anii' ilo ra papakaraan ra malasang, am balai' noyo ra baal pamakuan ru raja' nilono risilo ra maagu no.”