JIRIMIA 11:23 - Tanou Moonsoi Timugon

²³ Inaru' Ku noyo paat no koson mamparatong ra karaat ra mamagun ru Anatot; paat no masaboi, kolondo' sangulun pana maayag.”

JIRIMIA 11:23 ပူးပေါင်းရင်းမြစ်များ

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 23:12

Ginio ra, ralan ondo' binayaan nilo malamog am molondom; mangkinibit Aku risilo makasaru am maratu'. Mamparatong Aku ra karaat risilo, ra masaboi paat no koson mangukum risilo. Aku, Tuhan, nakaindagu noyo.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 6:9

Tuhan Ondo' Maayo Kaga' Kuasa' minindagu raki', “Saliiron Israil koson ra umo ru anggur ondo' kawa' nano inupu' noyo ngaangai'. Ginio ra buoi ru orou lakat poyo soroi, bayago' ulun ondo' lakat poyo maayag.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

OBAJA 1:18

Papag ri Jakub am i Jusup koson ra apui, pusoon nilo papag ri Isau koson ra apui monolob ra rami. Kolondo' sangulun pana intor ra papag ri Isau maayag. Aku, Tuhan nakaindagu noyo.

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

LUKAS 19:44

Mamagun muno potoyon am kolondo' rondo' batu pana posoroyon ra intok nano am lunsayon kou. Gitio masauk sabap ra kalo natutunan mu ra minatong noyo i Aki Kapuuno' mamayag rirun!”